येँ नेपालभाषाया प्यंगः थां मध्ये छगः थां मास्टर जगत सुन्दर मल्लया १ व ४३ बुँदिं हंगु दु ।
येँया लखुँतिर्थय् च्वंगु मास्तर जगत सुन्दर मल्लया नामं निस्वनातःगु ब्वनेकुथिई मल्ल प्रधानांग प्रतिस्थानया ग्वाहालिई बुँदिं हंगु खः ।
मास्टर जगत सुन्दर मल्लं राणाकालया दमन ईलय् नं थः म्ह जीवन पानाः सर्वसाधारण जनता तय्त माभासं नं शिक्षा बिइमा धकाः जीवन पाना वः म्ह महान् व्यक्तित्व मध्ये छम्ह खः ।
उगु बुँदिं ज्याझ्वसं मास्तर जगत सुन्दर मल्लया झ्वाताय् जगत सुन्दर ब्वनेकुथिया संचालक समितिया नायाे प्राडा चुन्दा बज्राचार्यं पाहाँपिं मातृभाषा सेवीपिं, नेवाः विध्यार्थी युनियन अध्यक्ष रिदेन महर्जन व उगु ब्वनेकुथिया ब्वनामिपिं स्यनामिपिं, पत्रकारपिंसं मास्तर जगत सुन्दर मल्लया झ्वाताय् स्वांमा क्वखायेका व सिन्हं तिकन बुँदिं हंगु खः । ज्याझ्वया पाहां त्रिरत्न काेष पाखें ब्वतिकयादिम्ह पाहां प्रदिप बज्राचार्यं प्यंगूनिसें खुगूतकया ब्वनामिपिन्त कापि लः ल्हासे वइगु दिनसं ब्वनेकुथियात मां कथं फुचाथें ग्वाहालि याय्गु बचं बियादिल ।
जगत सुन्दर ब्वनेकुथिया संचालक समितिया नायाे प्राडा चुन्दा बज्राचार्यं थाैंकन्हय् बाग्मति प्रदेशय् नेपालभाषायात कामकाजिया मान्यता ब्यूगुलि अापालं अवसर चुलागु दु । उगु अवसर अवसरषात झीसं लाना कायमाः धकाः नुगः खं तयादिल । मल्ल प्रधानांग प्रतिस्थानया नायाे डा माधव सुन्दर मल्लं वय्क जिगु तापा बाज्या खः । जिमि पाचाै पुस्ता खः । राणाकालय् मातृभासं जनतातय्त समान शिक्षा बिइमागु वय्कःया सिद्धान्त खः । अथेहृ मांभासं समान शिक्षाबिल धासा याकनंहे थुइका काइगु सः तयादिगुलिं झीसं न्ह्याबले लुमंकेमाःगु धकाः नुगः खः ।
अथेहे मल्ल प्रधानांग प्रतिस्थानया न्वँकु प्राडा राजाराम प्रधानांगं दँय्दसं मास्तर जगतसुन्दर मल्लया बुँदि हना ज्याझ्वलय् ब्वति काय्दया लय्तागु खः प्वंकादिल ।
उगु ज्याझ्वः ब्वनेकुथिया १५ म्ह ब्वनामिपिं जनकवि दुर्गालाल श्रेष्ठया चिनियाम्ह किसिचा सफुतिई दुथ्याःगु चिनाखं वाचन यासें चिनाखं वाचन यानादिइपिं सिरपाः लः ल्हानादिल ।
केन्द्रीय मानन्धर संघया सल्लाहकार पंचकुमारी मानन्धर, नेसाकापाखें अर्थ तुलाधर, जगतसुुन्दर ब्वनेकुथिया संस्थापक, संचालक समितिया न्वँकू विष्णु चित्रकार, ब्वनेकुथिया संस्थापक सदस्य व संचालक दुजः लाेककवि भाइ जकःमि, सुकुन्दा साहित्य पालाया अध्यक्ष प्रशान्त डंगाेल व नेवाः मिसा दबु ताेखा नगर कमितिया अध्यक्ष सुमिता महर्जनयापिनिगु नं ब्वति दुगु ज्याझ्वलय् उगु ब्वनेकुथिया प्रधानाध्यापक सुनिता मानन्धरं ज्याझ्वः न्ह्याकादिल ।
No comments:
Post a Comment