येँ / नेवाः विद्यार्थी पिनिगु साझा संगठन नेवाः विद्यार्थी युनियनया विशेष सकृयताय् येँया प्रदर्शनी मार्गय् च्वंगु रत्न राज्यलक्ष्मी क्याम्पसय् एम.ए. तगिंमय् नेपाल भाषा दुथ्याकेत ताः लाःगु दु ।
थुगु एैतिहासिक ज्याया नितिं येँ महानगरपालिकां रत्न राज्यलक्ष्मी क्याम्पसलिसें सहकार्य यासेली थ्वहे शैक्षिक वर्ष २०७८÷७९ या निति स्नातकोत्तर तहया प्रथम सेमेस्टरया भर्ना चायेकेत ताः लाःगु सकल नेवाः तय्गु नितिं लसताः खँ जूगु दु । नेवाः विद्यार्थी युनियनया नायो रिदेन मर्हजन व छञ्यान्जे प्रशान्त डंगोलं थुगु अभियानय् झवलय् आपालं संर्घष यानातिनि अभियान ताः लाःगु जुया इलय् हे याकनं हे भर्ना यानाः दिइत विशेष इनाप याःगु दु ।
अथेहे थुगु एम.ए. अभियान ताः लाकेत विशेष भूमिका म्हिता दिम्ह नेपाल भाषा शिक्षा प्रा.डा. चन्द्रमान बज्राचार्यया कथं नेपाल भाषा विद्यार्थीपिन्त न्ह्यागु कथं ग्वाहालि यायेत तयार जूगुलिसें नेवाः त भर्ना यायेत ग्वायेमाःगु अले संख्या उप्वः दयेमाःगु दु धकाः जानकारी बियादिगु दु ।
आवेदन फाराम भरे यायेगु अन्तिम मितिः २०७८ साल कार्तिक २२ गते तक्क जूगुलि आवेदन फाराम भरेय् यायेगु नितिं मानविकी तथा सामाजिक शास्त्र संकाय डीनको कार्यालयया Website: www.tufohss.edu.np स https://entrance.tufohss.edu.np/ पाखें अनलाइन आवेदन फाराम भरेय् यायफैगु जानकारी बियादिल । www.tufohss.edu.np tufohss.edu.np
