येँ । येँया रत्न राज्यलक्ष्मी क्याम्पस एम. ए तहलय् नेपालभाषा दुथ्याकेत मूवंगु योगदान बिइदिइपिं येँ महानगरपालिका शिक्षा विभागया प्रमुख रामप्रसाद सुवेदी, आर आर क्याम्पसया कर्मचारीयात छगू ज्याझ्वया दथ्वी वंगु आइतवाः हनेज्या याःगु दु ।
उगु ज्याझ्वलय् पुलांम्ह क्याम्पस प्रमुख प्रो.डा. निर्मला सुवालं ‘छुदँ न्ह्यः नेपालभाषा ब्वनिपिं मदया नेपाल भाषा विषय बन्द यायेमाःगु खँ न्ह्यब्वसें थःम्ह त्रिवि निति नियम कथं ब्वनिपिं झिम्ह दयेमाःगु, स्थायी शिक्षक दयेमाःगु कक्षा न्ह्याकेत आर्थिक पक्ष, कक्षा कोठा, शिक्षक व्यवस्थापन यानाः बि.ए. तहया नेपाल भाषा कक्षा न्ह्याकाःगु खँ कसें लिपा हानं ब्वनामिपिनिगु कुतलय् कामपा र क्याम्पसलिसें समन्यव यानाः एम. ए. नेपाल भाषा कक्षा न्ह्यानाच्वंगु सकलसित भिंतुना देछाना दिल ।
ज्याझ्वलय् क्याम्पस नेपालभाषा व नेपाली भाषा विभागया विभागीय प्रमुख विष्णु प्रसाद ज्ञवाली ‘गुगु आज्जु ज्वना एम.ए. नेपालभाषा कक्षा सञ्चालन जुल वहे कथं ब्वनामिपिं मदिक्क कक्षा च्वंगु न्ह्यब्वसें आन्तरिक मूल्यांकन परिक्षाय् सकल सित ब्वति कायेत इनाप यासे न्हूगु विषय जूगुलि व्यवस्थापनय् हाथ्याय् वयाच्वंगु जुसानं वइगु दिनसें अझ कक्षा व्यवस्था यानाः यायेगु जुइ धकाः नुगः खँ प्वंकादिल ।
सांस्कृतिक ज्याझ्व नं जूगु उगु ज्याझ्वःया पाहाँ प्रा.डा. नेपाल भाषा शिक्षक प्रो.डा. चन्द्रमान बर्जाचार्यं ‘आर आर क्याम्पसय् एम नेपाल भाषा दुथ्याकेमा धयागु गुगु विचाः वल उकि ब्वनामिपिनिगु मूवंगु योगदान दुगु खँ न्ह्यब्वसें थःम्ह गाइडया रुपय् योगदान बियागु खँ कसें नेवाः विद्यार्थी युनियनया नायो रीदेन महर्जन, सचिव प्रशान्त डंगोलपिन्स आपालं, दुखः कष्टसिया त्याग, तपस्या जक थुगु उपलब्धी हासिल जूगु खः ।
वय्कलं कामपां दँच्छिइ छक्व १५ लख जक आर्थिक ग्वाहालि जक मगाइगु खँ न्ह्यब्वसें ब्वनामिपिं सालेत स्वनिगया स्थानीय सरकारया प्रत्येक वडापाखें ब्वनामिपिं अप्वयेकेमाःगु खँय् बिशेष ध्यान बिइमाःगु बह बियादिल । लिसें नेपाल भाषा ब्वनेत नुगः क्वसापिं जुसानं आर्थिक रुप सक्षम मजुपिन्त कामपां छुं भचा व्यवस्थित यायेमाःगु खँय् बहः बियादिल ।
ज्याझ्वलय् पाहाँ कथं झायादिम्ह जनगायकल रामकृष्ण दुलाल थःगु म्येहालादिगु ज्याझ्वलय् ज्याझ्वः चिंधगु जुसान अतिकं मवंगु जूगु खँकसें थःम्ह नेपाःया आन्दोलनय् सकलसित चेतना थनेत ‘गाउँ गाउँ बस्ती म्येयात नेपालभाषाभाषा लगायत थीथी भासय् हिलेगु ज्या जुयाच्वंगु विचाः तयादिल ।
नेवाः विद्यार्थी युनियनया छयाञ्जे प्रशान्त डंगोलं स्नातक तहलय् नेपालभाषा ब्वनामिपिन्त क्याम्पसय् माक्व सपूm ज्वलं प्रयाप्त मात्रा मदुगु क्याम्पस प्रशासनपाखें बिएच.डब्लु, बिसिए थेजाःगुलिसें थीथी विषयया विज्ञापन यानाः प्रमोट याइ तर नेपालभाषा विषयया विज्ञापन यायेत सकलसिन्ह रचनात्मक भूमिका म्हितल धाःसा ब्वनामिपिं मालेत उलि समस्या मवइगुलिसें थुगु क्याम्पस नेपाल भाषा पुर्नस्थापना यायेत गुरुबर, मातृभाषा अभियान्तापिनिगु ज्वमदुगुलि सुभाय् देछासें नेपाल भाषा निरन्तरताया नितिं सकल मातृभाषासेपिन्सं थःथःगु क्षेत्रय् नं योगदान बियादिइत इनाप यानादिल ।
येँ महानगरपालिकाया स्थानीय तहलय् ब्वनेकुथि व रत्न राज्यलक्ष्मी क्याम्पसय् स्नात्तकोतर (एम.ए.) तहलय् नेपालभाषा दुथ्याकेत मूवंगु योगदान बियादिम्ह येँ महानगरपालिकाया शिक्षा विभागया मुपाहाँ रामप्रसाद सुवेदीयात आरआर. क्याम्पसया प्रमुख जीवनधर ज्ञवालीं हना पौ लः ल्हानाः हंगू ज्याझ्वलय् मु पाहाँ सुवेदी ‘कामपा स्थानीय तहलय् नेपाल भाषा दुथ्याके ज्या जुइ धुंकाः आर आर क्याम्पसय् एम. ए. नेपालभाषाया निति छगू न्हूगु उर्जाया कथं ज्या जूगु धकाः खँ कसें नेपालभाषाय् अनुसन्धानय् पिएचडी याइपिं ब्वनामिपिनिगु नितिं नितिं फण्डया व्यवस्था लः चायेकाःगु खकनादिल ।
एम.ए. नेपालभाषाया न्हापांगु ब्याचया ब्वनामि हरिकृष्ण महर्जनं थुगु क्याम्पसय् दुथ्याकेगु ज्याजूगुलि सकलसिगु लसताया खँ जूगु जूगु दु पाटन क्याम्पसय्सिबें लिक्क लाःगुलिइ उच्चशिक्षाया नितिं आरआर क्याम्पसय् ब्वँ वनागु खँ कनादिल । सभानायो प्रा.डा जीवनधर ज्ञावलीं ‘नेपालभाषा एम.ए. तगिमय् नेपालभाषा न्हापांगु दय् पासः जूपिं मध्ये उप्वः ल्या हयादिइपिं मध्ये छम्ह छात्रा व छम्ह छात्रयात मेरिट बेस आधारय् १० प्रतिशत शिक्षण शुल्क स्कोलरशिप सम्झौता कंथ जूगु दु खँ कसें कामपा एम.ए. नेपालभाषा दुथ्याकेत बियादिगु योगदानय् ब्वनामिपिनिगु भूमिका अझ मूवंगु जुइगुगिलिइ स्थानीय सरकारं गुगु ह्वःता चुलाकादिल उकियात छ्यला उकियात छय्ला नेपाल भाषा अभियान्ता व विशेषज्ञया रुपय् थुगु क्याम्पस पाखें उत्पादन जुइगु थः म्ह आशा यानाः धापू तयादिल।
थुगु अभियान सुथां लाकेत नेवाः विद्यार्थी युनियनया रितेश मल्ल, सुरोज तन्दुकार, श्रृजनमान श्रेष्ठ, मनिसकुमार श्रेष्ठ, सुमित दास रञ्जित व सुनिल महर्जनल, किरण महर्जन महेश्वर श्रेष्ठ लगायत अभियान्तापिनिगु नं विशेष भूमिका दु । Riden maharjan
No comments:
Post a Comment