नेपालभाषा ब्वनामिपिं अप्वयेकेत नेवाः देय् दबुयात ज्ञापन पौ लः ल्हात

येँ । नेवाः विद्यार्थी युनियनं रत्नराज्य लक्ष्मी क्याम्पस व पद्यम कन्या क्याम्पसय् बि।ए। तगिमय् नेपाल भाषा ब्वनामिपि मदया कक्षा मजुयाच्वंगु खँयात कया नेवाः देय् दबुयात ज्ञापन लः ल्हाःगु दु ।

नेवाः विद्यार्थी युनियन नायः रीदेन महर्जन, दुजः मनिस कुमार (मानव) पिन्सं नेवाः देय् दबुया नायः पवित्र बज्राचार्य व न्वकू रश्मिला प्रजापतियात मंकाः कथं नाप लानाः ज्ञापन पौ लः ल्हाःगु दु ।

उगु ज्ञापन पौलय्  नेवाः विद्यार्थी युनियन नेवाः विद्यार्थी पिनिगु मंकाः संगठन जुगु व  थुकिया मु आज्जु धयागु नेवाः ब्वनामिपिन्त नेवाः हक अधिकारया बारेय् चेतना थना संगठित यानाः नेपाल भाषाया संरक्षण, प्रवद्धन यायेगु व लिसें नेपाल भाषा ब्वंकेगु क्षमता अभिवृद्धि यायेगुलिसें थीथी ज्याझ्वः यायेगु ख खँ न्ह्यब्वयातःगु दु ।

 अथे हे ज्ञापन पौं पतिइ रत्न राज्यलक्ष्मी क्याम्पस, पदम कन्या क्याम्पस व यलया पाटन संयुक्त क्याम्पसय् त्रि।वि। नितिनियम कथं झिम्ह÷झिम्ह विद्यार्थीदत धाःसा जक नेपालभाषाया कक्षा संचालन याइगु जुयाः थ्वहे महिनाया दुने ब्वनामिपिं भर्नायाकेत छ्वया हयादित इनाप याःगु दु ।