येँया भृकुटीमण्डप प्रदर्शनीमार्गय् च्वंगु रत्न राज्यलक्ष्मी क्याम्पसया नेपालभाषा शिक्षक, नेपालभाषा ब्वनामि (विद्यार्थी) पिन्सं कृष्णगोपाल श्रेष्ठ शिक्षा, विज्ञान व प्रविधिमन्त्री जूगुलिं माघ ७ गते बुधवाः सिंहदरवारय् मन्त्री श्रेष्ठयात नापलाना भिंतुना लिसें ज्ञापन पौ लःल्हायेगु ज्याझ्व जूगु दु ।
उगु ज्ञापन पतिइ रत्न राज्यलक्ष्मी क्याम्पसया नेपालभाषा स्यनामि ९शिक्षक० प्रा।डा। चन्द्रमान बज्राचार्य लिसें रत्न राज्यलक्ष्मी क्याम्पसया नेपालभाषा ब्वनामि नापनापं नेवाः विद्यार्थी युनियन नायो रीदेन महर्जन, महासचिव प्रशान्त, युनियन दुजःपिं सुरोज महर्जन, सृजनमान श्रेष्ठपिंसं मंकाः कंथ ज्ञापन पौ लः ल्हाःगु खः ।
ज्ञापन पौ महासचिव प्रशान्त डंगोलं नेपालभाषाय् दयाच्वंगु समस्यायात कयाः शिक्षामन्त्रीयात ब्वना न्यंकूगु खः ।
उगु ज्ञापन पतिइ धयातःगु दु, स्वनिगःया आशा, भरोसाया, धिसिलाःगु थां छिस्कर माननीय कृष्णगोपाल श्रेष्ठजु शिक्षा, विज्ञान व प्रविधिमन्त्री नियुक्त जुयादीगुलि नेवाःविद्यार्थीतय्गु मंकाः संगठन नेवाः विद्यार्थी युनियनपाखें छिस्करया कार्यकाल सुथां लायेमा धकाः भिंतुना देछायाच्वना ।
माननीय मन्त्रीजुं थनया येँय् प्रदर्शनीमार्गय् च्वंगु रत्नराज्य क्याम्पसय् स्नातक तगिमय् थौंसिबें च्यादँ गुदँ न्ह्योनिसें नेपालभाषा ब्वंकेगु दिनाच्वंगु जुल । थुकियात वाःचायेकाः सकल मांभाय् ह्यमि, नेपालभाषा अभियन्ता, ब्वनामिपिं, स्यनामिपिनिगु कुतलय् हाकनं ने।स। ११३८ अर्थात् वि।सं। २०७४ निसें नेपालभाषा हाकनं दुथ्याकेत ताःलाःगु धयागु सकल नेपालभाषीपिनिगु नितिं गर्वया खँ न्ह्यब्वये खनाः तसकं लसतां भय् बिल ।
थौंकन्हय् स्वनिगःया क्याम्पस मध्ये बि।ए। तगिंमय् दकले अप्वः नेपालभाषा ब्वनामिपिं दु । उकीमध्ये न्हापांगु तगिं स्वंगूगू तगिमय् यानाः मुकं ब्वनामिपिं ९५३ म्ह० न्यय् स्वंम्ह ब्वनामि थ्यंगु जूसांतबि ब्वनामिपिन्त क्याम्पस प्रशासनपाखें ब्वनेगु कुथि म्हो ब्वनामिपिन्त मालेगु सफू हलंज्वल म्हो जूसांनं थुगु समस्या ज्यंकेगु खँय् सम्बन्धित निकायलिसें प्रशासनं बेवास्ता यानाः च्वनाच्वंगु जुल ।
लिसें क्याम्पसय् तुं नेपालभाषा स्नातकोत्तर तगिंमय् ब्वनामिपिन्सं नुगः क्वसायेकूगु जुयाः सकल अभियन्तापिं जानाः थुगु भिंगु ज्याय् मदिक्क पलाः न्ह्याकाः च्वनागु जुल ।
थुगु क्याम्पसय् थौंकन्हय् नेपालभाषा मास्टर्स तगिमय् झीगु मातृभाषा नेपालभाषा ब्वनेगु अधिकारपाखें बन्चित जुयाच्वंगु दुःखद् खँ न्ह्यब्वसें थुकियात इलय् माननीय मन्त्रीपाखें फयांफच्छि न्हापलाक्क सम्बोधन यानादीगु भलसा कासें थुगु ज्ञापन पौ लःल्हानागु जुल ।
ज्ञापन पौ लःल्हायेगु ज्याझ्वलय् शिक्षामन्त्री कृष्णगोपाल श्रेष्ठं रत्न राज्यलक्ष्मी क्याम्पसया नेपालभाषा ब्वनामिपिन्त जुयाच्वंगु समस्यायात याकनं ज्यकेगु धकाः बचं बियादीगु दु ।
