ललितपुर । नेवाः विद्यार्थी युनियनं स्नातक र स्नातकोत्तर तहलय् नेपालभाषा ब्वनामिपिं भर्ना यायेमाल धकाः ज्यापू समाज, यलयात वंगु मङ्गलवाः ज्ञापनपौं लः ल्पहाःगु दु ।
उगु ज्ञापन पौलय् नेपाःया ऐन, नियम, कानुनी रुपं थःथःगु मातृभाषा आखः ब्वनेगु अधिकार संविधानय् न्ह्यब्वयातःगु दु । संविधानय् न्ह्यब्वयातःगु भाषिक अधिकार सुनिश्चित यायेत सकलसिन्ह मातृभाषा शिक्षा कायेत नेतृत्वदायी भूमिका म्हितल धाःसा जक हलिन्यंक नेपाः देय्यात स्वतन्त्र खः धकाः म्हसिका बियाच्वंगु झीगु मांतृभाषायात ल्यंकातयेफगु तातुतना येँया प्रदशर्नी मार्ग रत्नराज्य क्याम्पसय् नेपालभाषा मांभाय्ह्यमि अभियान्तापिनिगु कुतलं वि।सं। २०७४ सालनिसें नेपालभाषा स्नातक तगिँमय् ब्वंकेगु ज्याझ्वः जुयाच्वंगु जुल ।
मातृभाषां उच्च शिक्षा विना झीगु जीवन अपूर्ण जुइगु तायेकाः हानं सकल अभियान्तापिनिगु मंकाः कुतलंहे नेपालभाषा अध्यापन संस्थागत यायेगु मनतुना वि।सं। २०७८ साल कार्तिक २६ गतेनिसें नेपालभाषा स्नातकोत्तर एम।ए। तगिँमय् नं ब्वंकेगु ज्याझ्वः न्ह्येज्याना च्वगुं एैतिहासिक रुपं ताः लाःगु धयागु सकलसीगु नितिं उपल्बधि जुल । थौंदिनय् बिए। तहलय् रत्न राज्यलक्ष्मी क्याम्पसय् झिम्ह ब्वनामिपिं व पद्यम कन्या क्याम्पसय् न्याम्ह व पाटन क्याम्पसय् झिम्ह य् नेपालभाषा ब्वनामि पिंसिबें म्हो जुल धाःसा नेपालभाषा कक्षा न्ह्याकेतः असमर्थ जइुगुदुखद सुचं वःगु हुनि झीगु मांभाय् ल्यंकाःतयेगु अभियानय् नेपालभाषा ब्वनामिपिं छवया ग्वाहालि यानादिइगु भलसा कयाच्वना धकाः ज्ञापन पौं लः ल्हा ल्हानादिल ।
