कीपू । नेवाः देय् दबू किपू नगर समितिपाखें वइगु अन्तर्राष्ट्रिय मातृभाषा दिवसया दिं फागुन ९ गते शुक्रवाः बागमती प्रदेश भाषा ऐन कार्यान्वयन यायेमाः धकाः मागयासें प्लेकार्ड प्रदर्शन याइगु जूगु दु ।
नेवाः देय् दबू देय् दबूया स्वनिगः विशेष प्रदेशया नायो श्रीकृष्ण महर्जनं नेवाः देय् दबू किपू नगर समितिया निक्वःगु अधिवेशनया उलेज्यायासें मूपाहांया नुगःखँ तयेगु इलय् तयादीगु उगु प्रस्तवायात पारित याःगु खः । बागमती प्रदेशं नेपालभाषा व तामाङ भाषायात सरकारी कामकाजि भाषाया रुपय् लागू यायेगु नितिं ऐन दयेका कार्यान्वयन जुल धकाः घोषणा याःगु हे गुला दये धुंकूगु अवस्थाय् नं उकियात लागू मयातच्वंगुलिं प्रदेश सरकार, सांसद व दलतय्त दबाव बिइगु नितिं उगु कथंया प्लेकार्ड ब्वज्या यायेमाःगु खँ मूपाहां महर्जनं तयादीगु खः ।
थुगु कथंया ज्याझ्वः आः किपू नगर समिति जक मखु फुक्क पालिकापाखें व जिल्लां तकं यायेमाः धकाः तकं धयादिसें वय्कलं भाषा ऐन कार्यान्वन यायेमाः, भाषा ऐन कथं विज्ञ पुचः नीस्वनेमाः, भाषा ऐन कथं प्रतिष्ठान गठन यायेमाः, सुझाव कार्यदलया प्रतिवेदन सार्वजनि याना कार्यान्वन यायेमाःगु नारा च्वया प्रदर्शन यायेमाः धकाः धयादीगु खः । माघ १७ गते विहिवाः किपुलिइ जूगु देय् दबू किपू नगरया निक्वःगु अधिवेशनं उगु कथंया प्रस्तावयात पारित याःगु खः ।
No comments:
Post a Comment