𑐳𑐸𑐎𑐸𑐣𑑂𑐡𑐵 𑐳𑐵𑐴𑐶𑐟𑑂𑐫 𑐥𑐵𑐮𑐵𑑅𑐫𑐵 𑐐𑑂𑐰𑐳𑐵𑐮𑐫𑑂 𑐴𑐣𑐾𑐖𑑂𑐫𑐵 𑐰𑐶𑐡𑐵𑐃 𑐖𑑂𑐫𑐵𑐗𑑂𑐰𑑅 𑐫𑐵𑐟

 𑐫𑐾𑑃 𑑋 𑐳𑐸𑐎𑐸𑐣𑑂𑐡𑐵 𑐳𑐵𑐴𑐶𑐟𑑂𑐫 𑐥𑐵𑐮𑐵𑑅𑐫𑐵 𑐐𑑂𑐰𑐳𑐵𑐮𑐫𑑂 𑐫𑐾𑑃𑐫𑐵 𑐥𑑂𑐬𑐡𑐬𑑂𑐱𑐣𑐷 𑐩𑐵𑐬𑑂𑐐𑐫𑑂 𑐔𑑂𑐰𑑄𑐐𑐸 𑐬𑐟𑑂𑐣 𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳𑐫𑐵 𑐳𑐨𑐵𑐴𑐮𑐫𑑂 𑐱𑐣𑐶𑐰𑐵𑑅 𑐖𑐹𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐄𑐥𑐥𑑂𑐬𑐩𑐸𑐏 𑐳𑐸𑐣𑐶𑐟𑐵 𑐜𑑄𑐐𑑀𑐮 𑐩𑐹𑐥𑐵𑐴𑐵𑑃 𑐎𑐠𑑄 𑐄𑐥𑐳𑑂𑐠𑐶𑐟 𑐖𑐸𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐎𑐵𑐳𑐵𑐩𑐶𑐥𑐶𑐣𑑂𑐟 𑐳𑐩𑑂𑐩𑐵𑐣 𑐫𑐵𑐳𑐾𑑄 𑐬𑐟𑑂𑐣 𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳𑐫𑑂 𑐮𑐳𑐎𑐸𑐳 𑐰 𑐰𑐶𑐡𑐵𑐃 𑐖𑑂𑐫𑐵𑐗𑑂𑐰𑑅 𑐗𑑄 𑐗𑑄 𑐢𑐵𑐫𑐾𑐎 𑐎𑑂𑐰𑐔𑐵𑑅𑐐𑐸 𑐡𑐸 𑑋

𑐰𑑄𑐐𑐸 𑐥𑐸𑐳 𑑒𑑐 𑐐𑐟𑐾 𑐱𑐣𑐶𑐧𑐵 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐖𑑂𑐫𑐵𑐗𑑂𑐰𑐮𑐫𑑂 𑐴𑐶𑐟𑐎𑐬 𑐰𑐷𑐬 𑐳𑐶𑑄 𑐎𑑄𑐳𑐵𑐎𑐵𑐬 𑐰 𑐎𑑂𑐫𑐵𑐩𑑂𑐥𑐳 𑐥𑑂𑐬𑐩𑐸𑐏 𑐥𑑂𑐬𑐵.𑐜𑐵. 𑐖𑐷𑐰𑐣𑐢𑐬 𑐖𑑂𑐘𑐰𑐵𑐮𑐷 𑐰𑐶𑐱𑐾𑐲 𑐥𑐵𑐴𑐵𑑃 𑐎𑐠𑑄 𑐄𑐥𑐳𑑂𑐠𑐶𑐟 𑐖𑐸𑐫𑐵𑐡𑐷𑐐𑐸𑐏𑑅 𑑋 𑐀𑐠𑐾𑐴𑐾, 𑐳𑐸𑐎𑐸𑐣𑑂𑐡𑐵 𑐳𑐵𑐴𑐶𑐟𑑂𑐫 𑐥𑐵𑐮𑐵𑑅𑐫𑐵 𑐥𑐸𑐮𑐵𑑄𑐥𑐶𑑄 𑐣𑐵𑐫𑑅𑐥𑐶𑑄𑐮𑐶𑐳𑐾𑑄 𑐱𑐶𑐎𑑂𑐲𑐎 𑐱𑐶𑐎𑑂𑐲𑐶𑐎𑐵𑐥𑐶𑑄 𑐥𑐵𑐴𑐵𑑃 𑐎𑐠𑑄 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐄𑐥𑐳𑑂𑐠𑐶𑐟 𑐖𑐹𑐐𑐸 𑐏𑑅 𑑋

𑐎𑐬𑐶𑐧 𑐳𑐔𑑂𑐕𑐶𑐩𑑂𑐴𑐾𑐳𑐶𑐣𑑂𑐴 𑐧𑑂𑐰𑐟𑐶 𑐎𑐫𑐵𑐡𑐶𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑃 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐄𑐥𑐥𑑂𑐬𑐩𑐸𑐏 𑐳𑐸𑐣𑐶𑐟𑐵 𑐜𑑄𑐐𑑀𑐮𑑄 𑐳𑐸𑐎𑐸𑐣𑑂𑐡𑐵 𑐔𑑂𑐫𑐵𑐎𑐵𑑅 𑐖𑑂𑐫𑐵𑐗𑑂𑐰𑑅𑐫𑐵 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐧𑑂𑐰𑐣𑐵𑐔𑑂𑐰𑑄𑐩𑑂𑐴 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐳𑐾𑐥𑐵𑐎𑐟𑐵𑐎𑑂𑐬𑑀 𑐎𑐵𑐳𑐵𑐩𑐶 𑐳𑐸𑐩𑐶𑐟𑑂𑐬𑐵 𑐜𑑄𑐐𑑀𑐮, 𑐟𑑂𑐬𑐶𑐨𑐸𑐰𑐣 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐣𑐾𑐥𑐵𑐮𑐨𑐵𑐲𑐵 𑐳𑐬𑑂𑐰𑑀𑐎𑐺𑐲𑑂𑐚 𑐖𑐸𑐫𑐵𑐡𑐶𑐩𑑂𑐴 𑐳𑑀𑐩𑐷 𑐜𑑄𑐐𑑀𑐮, 𑐳𑑂𑐣𑐵𑐟𑐎𑑀𑐟𑑂𑐟𑐬 𑐟𑐴 𑐬𑐟𑑂𑐣 𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳 𑐣𑐾𑐥𑐵𑐮𑐨𑐵𑐲𑐵 𑐄𑐟𑑂𑐎𑐺𑐲𑑂𑐚 𑐎𑐺𑐟𑐵 𑐧𑐖𑑂𑐬𑐵𑐔𑐵𑐬𑑂𑐫 𑐮𑐶𑐳𑐾𑑄𑐫𑐵𑐥𑐶𑑄 𑐳𑐩𑑂𑐩𑐵𑐣𑐶𑐟 𑐖𑐹𑐐𑐸 𑐏𑑅 𑑋

𑐣𑐾𑐥𑐵𑐮𑐨𑐵𑐲𑐵 𑐳𑑂𑐣𑐵𑐟𑐎 𑐟𑐴𑐮𑐫𑑂 𑐧𑑂𑐰𑐣𑐾𑐟 𑐨𑐬𑑂𑐣𑐵 𑐖𑐹𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑐣𑑂𑐟 𑐮𑐳𑐎𑐸𑐳 𑐫𑐵𑑅𑐐𑐸 𑐮𑐶𑐳𑐾𑑄 𑐳𑑂𑐣𑐵𑐟𑐎 𑐰 𑐳𑑂𑐣𑐵𑐟𑐎𑑀𑐟𑑂𑐟𑐬 𑐟𑐴𑐮𑐫𑑂 𑐠𑑅𑐥𑐶𑐣𑐶𑐐𑐸 𑐀𑐢𑑂𑐫𑐫𑐣 𑐥𑐹𑐰𑑄𑐎𑐹𑐥𑐶𑑄 𑐧𑑂𑐰𑐣𑐵𑐩𑐶𑐥𑐶𑐣𑑂𑐟 𑐧𑐶𑐡𑐵𑐃 𑐫𑐵𑑅𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐸𑐎𑐸𑐣𑑂𑐡𑐵 𑐳𑐵𑐴𑐶𑐟𑑂𑐫 𑐥𑐵𑐮𑐵𑑅𑐫𑐵 𑐕𑑂𑐫𑐵𑐘𑑂𑐖𑐾 𑐬𑐶𑐡𑐾𑐣 𑐩𑐴𑐬𑑂𑐖𑐣𑑄 𑐣𑐾𑐥𑐵𑑅𑐫𑐵 𑐀𑐳𑑂𑐟𑐶𑐟𑑂𑐰 𑐰 𑐂𑐟𑐶𑐴𑐵𑐳𑐮𑐶𑐳𑐾 𑐟𑐥𑑂𑐫𑑄𑐎 𑐳𑑂𑐰𑐵𑐥𑐹 𑐡𑐹𑐐𑐸 𑐣𑐾𑐰𑐵𑑅 𑐖𑐵𑐟𑐶 𑐰 𑐨𑐵𑐲𑐵𑐫𑐵 𑐟𑑅𑐢𑑄𑐐𑐸 𑐩𑐴𑐟𑑂𑐰 𑐡𑐹𑐐𑐸 𑐢𑐵𑐳𑐾𑑄 𑐣𑐾𑐥𑐵𑐮𑐨𑐵𑐲𑐵 𑐀𑐢𑑂𑐫𑐫𑐣 𑐳𑑂𑐣𑐵𑐟𑐎 𑐰 𑐳𑑂𑐣𑐵𑐟𑐎𑑀𑐟𑑂𑐟𑐬 𑐟𑐴𑐮𑐫𑑂 𑐥𑐹𑐰𑑄𑐎𑐹𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑐣𑐶𑐐𑐸 𑐄𑐖𑑂𑐖𑑂𑐰𑐮 𑐨𑐰𑐶𑐲𑑂𑐫𑐫𑐵 𑐎𑐵𑐩𑐣𑐵 𑐫𑐵𑐣𑐵𑐡𑐶𑐮 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐕𑑂𑐫𑐵𑐘𑑂𑐖𑐾 𑐩𑐴𑐬𑑂𑐖𑐣𑑄 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐾𑐟 𑐬𑐟𑑂𑐣 𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳𑐫𑑂 𑐳𑑂𑐣𑐵𑐟𑐎 𑐟𑐴𑐮𑐫𑑂 𑐨𑐬𑑂𑐣𑐵 𑐖𑐹𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑐣𑑂𑐟 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐱𑐾𑐲 𑐥𑐵𑐴𑐵𑑃 𑐎𑑂𑐫𑐵𑐩𑑂𑐥𑐳 𑐥𑑂𑐬𑐩𑐸𑐏 𑐥𑑂𑐬𑐵.𑐜𑐵. 𑐖𑐷𑐰𑐣𑐢𑐬 𑐖𑑂𑐘𑐰𑐵𑐮𑐷𑑄 𑐨𑐵𑐲𑐵 𑐡𑑅𑐳𑐵 𑐖𑐎 𑐕𑐸𑑄 𑐣𑑄 𑐖𑐵𑐟𑐶𑐫𑐵 𑐀𑐳𑑂𑐟𑐶𑐟𑑂𑐰 𑐡𑐂𑐐𑐸 𑐖𑐹𑐐𑐸𑐮𑐶𑑄 𑐬𑐟𑑂𑐣 𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳𑐫𑑂 𑐣𑐾𑐥𑐵𑐮𑐨𑐵𑐲𑐵 𑐀𑐢𑑂𑐫𑐵𑐥𑐣 𑐰 𑐀𑐢𑑂𑐫𑐫𑐣 𑐫𑐵𑐫𑐾𑐟 𑐣𑐾𑐥𑐵𑐮𑐨𑐵𑐲𑐵 𑐀𑐨𑐶𑐫𑐣𑑂𑐟𑐵 𑐥𑑂𑐬𑐱𑐵𑐣𑑂𑐟 𑐜𑑄𑐐𑑀𑐮, 𑐬𑐶𑐡𑐾𑐣 𑐩𑐴𑐬𑑂𑐖𑐣 𑐮𑐶𑐳𑐾𑑄𑐫𑐵 𑐀𑐨𑐶𑐫𑐣𑑂𑐟𑐵𑐥𑐶𑐣𑐶𑐐𑐸 𑐥𑐴𑐮𑐎𑐡𑐩𑐷𑐫𑐵 𑐏𑐸𑐮𑐳𑑂𑐟 𑐖𑐸𑐫𑐵𑑅 𑐥𑑂𑐬𑐱𑑄𑐳𑐵 𑐫𑐵𑐳𑐾𑑄 𑐣𑐾𑐥𑐵𑐮𑐨𑐵𑐲𑐵 𑐀𑐢𑑂𑐫𑐵𑐥𑐣𑐫𑑂 𑐕𑐸𑑄 𑐣𑑄 𑐎𑐩𑐷 𑐎𑐩𑐖𑑀𑐬𑐷 𑐖𑐸𑐂𑐎𑐾 𑐩𑐧𑐶𑐂𑐐𑐸 𑐥𑑂𑐬𑐟𑐶𑐧𑐡𑑂𑐢𑐟𑐵 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋
𑐀𑐠𑐾𑐴𑐾, 𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐱𑐾𑐲 𑐥𑐵𑐴𑐵𑑃 𑐴𑐶𑐟𑐎𑐬 𑐰𑐷𑐬 𑐳𑐶𑑄 𑐎𑑄𑐳𑐵𑐎𑐵𑐬𑑄 𑐦𑐸𑐎𑑂𑐎 𑐳𑐵𑐴𑐶𑐟𑑂𑐫 𑐥𑐵𑐮𑐵𑑅𑐟 𑐣𑐶𑐲𑑂𑐎𑑂𑐬𑐶𑐫 𑐖𑐹𑐐𑐸 𑐀𑐰𑐳𑑂𑐠𑐵𑐫𑑂 𑐳𑐸𑐎𑐸𑐣𑑂𑐡𑐵 𑐳𑐵𑐴𑐶𑐟𑑂𑐫 𑐥𑐵𑐮𑐵𑑅 𑐴𑐵𑐎𑐣𑑄 𑐣𑐷𑐳𑑂𑐰𑐣𑐵𑑅 𑐠𑐷𑐠𑐷 𑐎𑑂𑐬𑐶𑐫𑐵𑐎𑐮𑐵𑐥 𑐫𑐵𑐳𑐾𑑄 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐵𑐔𑑂𑐰𑑄𑐥𑐶𑑄 𑐧𑑂𑐰𑐣𑐵𑐩𑐶𑐥𑐶𑐣𑑂𑐟 𑐁𑐎𑐬𑑂𑐲𑐞 𑐫𑐵𑐳𑐾𑑄 𑐰𑐫𑐵𑐔𑑂𑐰𑑄𑐐𑐸𑐮𑐶𑑄 𑐮𑐳𑐟𑐵 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑃 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐄𑐥𑐥𑑂𑐬𑐩𑐸𑐏 𑐳𑐸𑐣𑐶𑐟𑐵 𑐜𑑄𑐐𑑀𑐮𑑄 𑐣𑐾𑐥𑐵𑐮𑐨𑐵𑐲𑐵 𑐀𑐨𑐶𑐫𑐣𑑂𑐟𑐵𑐥𑐶𑐣𑐶𑐐𑐸 𑐥𑐴𑐮𑐫𑑂 𑐳𑑂𑐣𑐵𑐟𑐎 𑐰 𑐳𑑂𑐣𑐵𑐟𑐎𑑀𑐟𑑂𑐟𑐬 𑐟𑐴𑐫𑐵 𑐀𑐢𑑂𑐫𑐵𑐥𑐣 𑐬𑐟𑑂𑐣 𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳𑐫𑑂 𑐖𑐸𑐫𑐵𑐔𑑂𑐰𑑄𑐐𑐸𑐫𑐵𑐟 𑐎𑐫𑐵𑑅 𑐮𑐳𑐟𑐵 𑐥𑑂𑐰𑑄𑐎𑐵𑐡𑐶𑐳𑐾𑑄 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫𑐳 𑐧𑑂𑐰𑐣𑐵𑐩𑐶𑐥𑐶𑐣𑑂𑐟 𑐁𑐎𑐬𑑂𑐲𑐞 𑐫𑐵𑐫𑐾𑐟 𑐰 𑐱𑐶𑐎𑑂𑐲𑐎 𑐱𑐶𑐎𑑂𑐲𑐶𑐎𑐵𑐥𑐶𑐣𑑂𑐟 𑐥𑑂𑐬𑑀𑐟𑑂𑐳𑐵𑐴𑐣 𑐫𑐵𑐫𑐾𑐟 𑐣𑐾𑐥𑐵𑐮𑐨𑐵𑐲𑐵 𑐀𑐢𑑂𑐫𑐵𑐥𑐣 𑐣𑐶𑐬𑐣𑑂𑐟𑐬𑐟𑐵 𑐫𑐵𑐫𑐾𑐟 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐖𑐎 𑐁𑐱𑐵 𑐩𑐫𑐵𑐳𑐾 𑐣𑐾𑐥𑐵𑐮𑐨𑐵𑐲𑐵 𑐀𑐢𑑂𑐫𑐵𑐥𑐣𑐫𑐵 𑐣𑐶𑐟𑐶𑑄 𑐃 𑐎𑐠𑑄 𑐩𑐵𑑅𑐐𑐸 𑐥𑐹𑐬𑑂𑐰𑐵𑐢𑐵𑐬𑐫𑐵 𑐰𑑂𑐫𑐰𑐳𑑂𑐠𑐵𑐥𑐣 𑐫𑐵𑐫𑐾𑐟 𑐎𑑂𑐫𑐵𑐩𑑂𑐥𑐳 𑐥𑑂𑐬𑐱𑐵𑐳𑐣𑑄 𑐐𑐸𑐮𑐶 𑐦𑐸 𑐄𑐮𑐶 𑐫𑐵𑐎𑐣𑑄 𑐳𑑂𑐠𑐵𑐫𑐷 𑐡𑐬𑐧𑐣𑑂𑐡𑐷𑐫𑐵 𑐩𑐵𑐐 𑐫𑐵𑐣𑐵𑑅 𑐣𑐾𑐥𑐵𑐮𑐨𑐵𑐲𑐵𑐫𑐵𑐟 𑐳𑑂𑐠𑐵𑐫𑐶𑐟𑑂𑐰 𑐧𑐶𑐂𑐟 𑐥𑐴𑐮𑐎𑐡𑐩 𑐣𑑂𑐴𑑂𑐫𑐵𑐎𑐾𑐩𑐵𑑅𑐐𑐸 𑐢𑐫𑐵𑐡𑐶𑐮 𑑋 𑐮𑐶𑐳𑐾𑑄 𑐜𑑄𑐐𑑀𑐮𑑄 𑐠𑐠𑐾 𑐫𑐵𑐫𑐾𑐧𑐮𑐫𑑂 𑐧𑑂𑐰𑐣𑐵𑐩𑐶, 𑐱𑐶𑐎𑑂𑐲𑐎 𑐱𑐶𑐎𑑂𑐲𑐶𑐎𑐵𑐥𑐶𑐣𑑂𑐟 𑐳𑐸𑐰𑐶𑐢𑐵 𑐖𑐸𑐂𑐐𑐸 𑐮𑐵 𑐖𑐸𑐮, 𑐎𑑂𑐫𑐵𑐩𑑂𑐥𑐳 𑐁𑐟𑑂𑐩𑐣𑐶𑐬𑑂𑐨𑐬 𑐖𑐸𑐫𑐵𑑅 𑐳𑑄𑐔𑐵𑐮𑐣 𑐫𑐵𑑅𑐐𑐸 𑐰𑐶𑐲𑐫𑐥𑐵𑐏𑐾𑑄 𑐳𑐩𑐵𑐖 𑐰 𑐡𑐾𑐱𑐫𑑂 𑐧𑑂𑐫𑐵𑐐𑐮𑑄 𑐥𑑂𑐬𑐨𑐵𑐰 𑐮𑐵𑐂𑐐𑐸 𑐖𑐸𑐫𑐵𑑅 𑐣𑐶𑐎𑐚 𑐨𑐰𑐶𑐲𑑂𑐫𑐫𑑂 𑐴𑐾 𑐩𑐵𑑅𑐐𑐸 𑐡𑐬𑐧𑐣𑑂𑐡𑐷𑐫𑐵 𑐩𑐵𑐐 𑐫𑐵𑐣𑐵𑑅 𑐰𑑂𑐫𑐰𑐳𑑂𑐠𑐶𑐟 𑐟𑐰𑐬𑑄 𑐣𑐾𑐥𑐵𑐮𑐨𑐵𑐲𑐵 𑐀𑐢𑑂𑐫𑐵𑐥𑐣 𑐣𑑂𑐴𑑂𑐫𑑅𑐣𑐾 𑐰𑑄𑐐𑐸 𑐳𑑂𑐰𑐫𑐾𑐐𑐸 𑐂𑐔𑑂𑐕𑐵 𑐡𑐹𑐐𑐸 𑐰 𑐄𑐐𑐸 𑐖𑑂𑐫𑐵𑐫𑐵 𑐣𑐶𑐟𑐶𑑄 𑐠𑑅𑐐𑐸𑐥𑐵𑐏𑐾𑑄 𑐫𑐵𑐫𑐾𑐩𑐵𑑅𑐐𑐸 𑐳𑐎𑐟𑐵 𑐐𑑂𑐰𑐵𑐴𑐵𑐮𑐶 𑐰 𑐳𑐵𑐠 𑐡𑐂 𑐢𑐿𑐐𑐸 𑐧𑐔𑑄 𑐧𑐶𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐬𑐟𑑂𑐣 𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳𑐫𑐵 𑐳𑑂𑐣𑐵𑐟𑐎𑑀𑐟𑑂𑐟𑐬 𑐟𑐴𑐮𑐫𑑂 𑐡𑐎𑐮𑐾 𑐣𑑂𑐴𑐵𑐥𑐵𑑄𑐐𑐸 𑐧𑑂𑐫𑐵𑐔 𑐰𑐶.𑐳𑑄. 𑑒𑑐𑑗𑑘 𑐳𑐵𑐮𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐎𑐫𑐵𑑅 𑐧𑑂𑐰𑐣𑐵𑑅 𑐣𑐾𑐥𑐵𑐮𑐨𑐵𑐲𑐵 𑐳𑑂𑐣𑐵𑐟𑐎𑑀𑐟𑑂𑐟𑐬 𑐟𑐴𑐮𑐫𑑂 𑐡𑐎𑐮𑐾 𑐀𑐥𑑂𑐰𑑅 𑐮𑑂𑐫𑐵𑑅 𑐴𑐫𑐵𑑅 𑐳𑐬𑑂𑐰𑑀𑐎𑐺𑐲𑑂𑐚 𑐖𑐸𑐫𑐵𑐡𑐷𑐩𑑂𑐴 𑐎𑐺𑐟𑐵 𑐧𑐖𑑂𑐬𑐵𑐔𑐵𑐬𑑂𑐫𑑄 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐾 𑐀𑐟𑐶𑐎𑑄 𑐣𑑂𑐴𑑂𑐫𑐵𑐥𑐸𑐐𑐸 𑐰𑐶𑐲𑐫 𑐖𑐹𑐐𑐸 𑐢𑐵𑐥𑐹 𑐟𑐫𑐵𑐡𑐶𑐳𑐾𑑄 𑐣𑐾𑐥𑐵𑐮𑐨𑐵𑐲𑐵 𑐩𑐵𑑄𑐨𑐵𑐳𑑄 𑐊𑐩𑐊 𑐟𑐐𑐶𑑄 𑐧𑑂𑐰𑐣𑐾𑐧𑐮𑐫𑑂𑐀𑑅𑐥𑐸𑐎 𑐠𑐸𑐂𑐎𑐵 𑐎𑐵𑐫𑐾𑐦𑐂𑐐𑐸𑐮𑐶𑐳𑐾𑑄 𑐔𑑂𑐰𑐫𑐾 𑐦𑐂𑐐𑐸 𑐖𑐹𑐐𑐸𑐮𑐶𑑄 𑐥𑐵𑐳 𑐫𑐵𑐫𑐾 𑐀𑐥𑐸𑐂𑐐𑐸 𑐰𑐶𑐔𑐵𑑅 𑐟𑐫𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑐮𑑄 𑐣𑐾𑐥𑐵𑐮𑐨𑐵𑐲𑐵 𑐊𑐩𑐊 𑐟𑐐𑐶𑐩𑐫𑑂 𑐠𑐷𑐠𑐷 𑐰𑐶𑐲𑐫𑐟 𑐎𑑅𑐑𑐵𑐣𑐵𑐟𑑅𑐐𑐸 𑐐𑐠𑐾𑐎𑐶, 𑐥𑐵𑐱𑑂𑐔𑐵𑐟𑑂𑐫 𑐳𑐩𑐵𑐮𑑀𑐔𑐣𑐵, 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐟𑐶𑐳𑐵, 𑐂𑐟𑐶𑐴𑐵𑐳, 𑐢𑐬𑑂𑐩 𑐡𑐬𑑂𑐱𑐣 𑐂𑐟𑑂𑐫𑐵𑐡𑐷 𑐰𑐶𑐲𑐫𑐟 𑐎𑑅𑐑𑐵𑐣𑐵𑐟𑑅𑐐𑐸𑐮𑐶𑑄 𑐁𑐥𑐵𑐮𑑄 𑐖𑑂𑐘𑐵𑐣 𑐎𑐵𑐫𑐾𑐦𑐂𑐐𑐸 𑐏𑑃 𑐟𑐫𑐵𑐡𑐷𑐐𑐸 𑐡𑐸 𑑋 𑐀𑐠𑐾𑐴𑐾 𑐜𑐶𑐐𑑂𑐬𑐷 𑐣𑑄 𑐩𑐾𑐩𑐾𑐐𑐸 𑐰𑐶𑐲𑐫𑐠𑐾𑑄 𑐀𑐟𑐶𑐎𑑄 𑐩𑐴𑐟𑑂𑐰𑐥𑐹𑐬𑑂𑐞 𑐖𑐸𑐂𑐢𑐸𑑄𑐎𑐹𑐐𑐸 𑐢𑐵𑐳𑐾𑑄 𑐀𑐥𑑂𑐰𑑅 𑐮𑑂𑐫𑐵𑑅 𑐴𑑅𑐥𑐶𑐣𑑂𑐟 𑐕𑐵𑐟𑑂𑐬𑐰𑐺𑐟𑑂𑐟𑐶 𑐣𑑄 𑐧𑑂𑐫𑐹𑐐𑐸 𑐏𑑃 𑐎𑐣𑐵𑐡𑐷𑐐𑐸 𑐡𑐸 𑑋 𑐚𑐥𑐬 𑐎𑐺𑐟𑐵 𑐧𑐖𑑂𑐬𑐵𑐔𑐵𑐬𑑂𑐫𑑄 𑐠𑐸𑐖𑑂𑐰𑑅𑐐𑐸 𑐖𑑂𑐫𑐵𑐗𑑂𑐰𑑅𑐫𑐵𑐟 𑐳𑐡𑐵𑑄 𑐣𑐶𑐬𑐣𑑂𑐟𑐬𑐟𑐵 𑐧𑐶𑐫𑐵𑐰𑐣𑐾𑐩𑐵𑑅𑐐𑐸 𑐏𑑃 𑐟𑐳𑐾𑑄 𑐁𑑅 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐷𑐥𑐶𑑄 𑐣𑑂𑐴𑐹𑐥𑐶𑑄 𑐧𑑂𑐰𑐣𑐵𑐩𑐶𑐥𑐶𑐣𑑂𑐟 𑐴𑑅𑐥𑐵𑑅 𑐟𑐶𑐧𑑅 𑐧𑐶𑐂𑐩𑐵𑑅𑐐𑐸 𑐰𑐶𑐔𑐵𑑅 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋 𑐧𑐖𑑂𑐬𑐵𑐔𑐵𑐬𑑂𑐫𑑄 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐧𑑂𑐰𑐣𑐵 𑐡𑐎𑐮𑐾 𑐟𑑅𑐢𑑄𑐐𑐸 𑐄𑐥𑐮𑐧𑑂𑐢𑐷 𑐢𑐿𑐐𑐸 𑐴𑐾 𑐮𑐖𑐐𑐵𑑅 𑐔𑐹𑐮𑐵𑑅𑐐𑐸 𑐏𑑃 𑐏𑑅 𑐢𑐎𑐵𑑅 𑐢𑐫𑐵𑐡𑐷𑐐𑐸 𑐡𑐸 𑑋

𑐣𑐾𑐥𑐵𑐮 𑐨𑐵𑐲𑐵 𑐧𑑂𑐰𑐣𑐾𑐐𑐸 𑐮𑑃𑐎𑐳 𑐡𑐫𑐾 𑐢𑐸𑐎𑑄𑐮 𑐖𑐶 𑐎𑐣𑐵𑐐𑐸 𑑖𑑕 𑐡𑑃𑐫𑐵 𑐣𑑂𑐴𑑂𑐫𑑅 𑐀𑐫𑑂𑐣𑑄 𑐣𑐾𑐥𑐵𑐮𑐨𑐵𑐲 𑐡𑐸𑐠𑑂𑐫𑐵𑐎𑐾𑐟 𑐮𑑂𑐰𑐵𑐫𑑂𑐩𑐵𑑅 𑐧𑑂𑐰𑐣𑐶𑐂𑐥𑐶𑑄 𑐧𑑂𑐰𑐣𑐶𑐂𑐥𑐶𑑄 𑐧𑑂𑐰𑐣𑐵𑐩𑐶𑐥𑐶𑑄 𑐩𑐡𑐫𑐵 𑐰𑐵𑐠 𑐰𑐵𑐠 𑐎𑑄 𑐠𑑂𑐰 𑐐𑐠𑐾𑑄 𑐐𑐫𑑂 𑐖𑐹𑐐𑐸 𑐬𑐸

𑐄𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐰𑐶𑐱𑐾𑐲 𑐥𑐵𑐴𑐵𑑃 𑐀𑐣𑑂𑐟𑐬 𑐎𑐮𑐾𑐖 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐥𑐵𑑅𑐮𑐵𑑅𑐫𑐵 𑐩𑐹𑐳𑑄𑐳𑑂𑐠𑐵𑐥𑐎 𑐣𑐵𑐫𑑀, 𑐧𑐬𑐶𑐲𑑂𑐛 𑐱𑐶𑐎𑑂𑐲𑐵𑐧𑐶𑐡𑑂, 𑐣𑐾𑐰𑐵𑑅 𑐣𑑂𑐴𑐹𑐮𑐸𑐰𑐵, 𑐴𑐶𑐟𑐎𑐬𑐧𑐶𑐬 𑐳𑐶𑑄𑐴 𑐎𑑄𑐳𑐵𑐎𑐵𑐬𑑄 𑐮𑑀𑐎𑐟𑐣𑑂𑐟𑑂𑐬 𑐐𑐞𑐟𑐣𑑂𑐟𑑂𑐬 𑐰𑐫𑐾 𑐢𑐸𑑄𑐎𑐮 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐵𑐩𑐶𑐥𑐶𑑄 𑐩𑐣𑑂𑐟 𑐢𑐵𑑅𑐳𑐵𑑅 𑐗𑐷𑐴𑐾 𑐩𑐕𑐵𑐳𑐾 𑐔𑑂𑐰𑐣𑐾𑐩𑐵𑐮𑐶𑐐𑐸 𑐢𑐵𑐥𑐹 𑐟𑐳𑑄 𑐰𑐫𑑂𑐎𑐮 𑐠𑐸𑐐𑐸 𑐎𑑂𑐫𑐵𑐩𑑂𑐥𑐳𑐫𑑂 𑐊𑐩𑑋 𑐊𑑋 𑐟𑐎𑑂𑐎 𑐣𑐾𑐥𑐵𑐮𑐨𑐵𑐲𑐵 𑐁𑐏𑑅 𑐧𑑂𑐰𑑄𑐎𑐾𑐐𑐸 𑐐𑐸𑐣𑑄 𑐴𑐵𑐮𑐟𑐫𑑂 𑐳𑑂𑐫𑑄𑐎𑐾 𑐩𑐖𑑂𑐫𑐹𑐐𑐸 𑐢𑐫𑐵𑐡𑐶𑐮 𑑋
𑐀𑐠𑐾𑐴𑐾 𑐰𑐫𑑂𑐎𑐮𑑄 𑐣𑐾𑐰𑐵𑑅 𑐖𑐵𑐟𑐶, 𑐟𑐖𑐶𑐮𑐖𑐶 𑐨𑐵𑐲𑐵 𑐠𑐎𑐵𑐫𑐾𑐟 𑐗𑐷𑐥𑐶𑑄 𑐳𑐎𑑂𑐮𑐾 𑐕𑐥𑑂𑐥𑑃 𑐕𑐢𑐶 𑐖𑐸𑐫𑐵 𑐣𑑂𑐴𑑂𑐫𑐔𑐶𑐮𑐾𑐟 𑐧𑐴𑐧𑐶𑐫𑐵𑐡𑐶𑐮 𑑋
𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐨𑐵𑐣𑐵𑐫𑑅 𑐳𑐸𑐎𑐸𑐣𑑂𑐡𑐵 𑐳𑐵𑐴𑐶𑐟𑑂𑐫 𑐥𑐵𑐮𑐵𑑅𑐫𑐵 𑐣𑐵𑐫𑑅 𑐥𑑂𑐬𑐱𑐵𑐣𑑂𑐟 𑐜𑑄𑐐𑑀𑐮𑑄 𑐖𑑂𑐫𑐵𑐗𑑂𑐰𑑅 𑐐𑑂𑐰𑐳𑐵𑑅 𑐐𑑂𑐰𑐫𑐵𑐐𑐸𑐫𑐵 𑐩𑐹 𑐁𑐖𑑂𑐖𑐸 𑐣𑐾𑐥𑐵𑐮𑐨𑐵𑐲𑐷𑐥𑐶𑐣𑐶𑐐𑐸 𑐧𑐴𑐸𑐩𑐹𑐮𑑂𑐫 𑐳𑐩𑑂𑐥𑐟𑑂𑐟𑐶 𑐨𑐵𑐲𑐵, 𑐎𑐮𑐵, 𑐳𑐵𑐴𑐶𑐟𑑂𑐫, 𑐳𑑄𑐳𑑂𑐎𑐺𑐟𑐶, 𑐳𑑄𑐳𑑂𑐎𑐵𑐬, 𑐳𑐩𑑂𑐥𑐡𑐵𑐫𑐵 𑐀𑐢𑑂𑐫𑐫𑐣 𑐀𑐢𑑂𑐫𑐵𑐫𑐥𑐣 𑐫𑐵𑐫𑐾𑐟 𑐳𑐴𑐖 𑐮𑐎𑐳 𑐡𑐫𑐾𑐎𑐾𑐟, 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑐣𑑂𑐟 𑐁𑐎𑐬𑑂𑐲𑐞 𑐫𑐵𑐫𑐾𑐟 𑐮𑐶𑐳𑐾𑑄 𑐄𑐐𑐸 𑐣𑐾𑐰𑐵𑑅 𑐳𑐩𑑂𑐥𑐡𑐵𑐫𑐵 𑐳𑑄𑐬𑐎𑑂𑐲𑐞 𑐳𑐩𑑂𑐰𑐬𑑂𑐡𑑂𑐢𑐣 𑐰 𑐥𑑂𑐬𑐰𑐡𑑂𑐬𑑂𑐢𑐣 𑐫𑐵𑐫𑐾𑐟 𑐣𑐾𑐰𑐵𑑅 𑐏𑐮𑑅 𑐥𑐸𑐔𑑅𑐫𑐵𑐟 𑐑𑑂𑐰𑐵𑐫𑐾𑐐𑐸 𑐰 𑐣𑐾𑐥𑐵𑐮𑐨𑐵𑐲𑐵𑐫𑐵 𑐰𑐶𑐡𑑂𑐰𑐵𑐣 𑐰𑐶𑐡𑐸𑐲𑐷𑐥𑐶𑐣𑑂𑐳𑑄 𑐨𑐵𑐲𑐵, 𑐎𑐮𑐵, 𑐳𑐵𑐴𑐶𑐟𑑂𑐫, 𑐳𑑄𑐳𑑂𑐎𑐺𑐟𑐶 𑐮𑐵𑐐𑐵𑐫𑑂 𑐫𑐵𑐣𑐵𑐡𑐷𑐐𑐸 𑐫𑑀𑐐𑐡𑐵𑐣𑐫𑐵 𑐄𑐔𑐶𑐟 𑐩𑐹𑐮𑑂𑐫𑐵𑑄𑐎𑐣 𑐫𑐵𑐣𑐵𑑅 𑐰𑐫𑑂𑐎𑑅𑐥𑐶𑐣𑐶𑐐𑐸𑐥𑐵𑐏𑐾𑑄 𑐔𑑂𑐰𑐫𑐵𑐡𑐷𑐐𑐸 𑐧𑐴𑐸𑐩𑐹𑐮𑑂𑐫 𑐎𑐺𑐟𑐶𑐫𑐵 𑐳𑑄𑐬𑐎𑑂𑐲𑐞 𑐫𑐵𑐫𑐾𑐟 𑐀𑐥𑑂𑐬𑐎𑐵𑐱𑐶𑐟 𑐎𑐺𑐟𑐶𑐟 𑐣𑐾𑐥𑐵𑐮𑐨𑐵𑐲 𑐊𑐎𑐾𑐡𑐾𑐩𑐶𑐥𑐵𑐏𑐾𑑄 𑐥𑑂𑐬𑐎𑐵𑐱𑐣𑐫𑑂 𑐴𑐫𑐾𑐟 𑐳𑐣𑑂𑐡𑐾𑐱 𑐧𑐶𑐂𑐟 𑐄𑐐𑐸 𑐖𑑂𑐫𑐵𑐗𑑂𑐰𑑅 𑐐𑑂𑐰𑐳𑐵𑑅 𑐐𑑂𑐰𑐫𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑑅 𑐳𑑄𑐐𑐷𑐟𑐎𑑅𑐩𑐶𑐮𑐶𑐳𑐾𑑄 𑐮𑐶𑐥𑐶 𑐀𑐨𑐶𑐫𑐣𑑂𑐟𑐵 𑐥𑐰𑐶𑐟𑑂𑐬 𑐎𑐳𑐵𑑅 𑐣𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋

𑐣𑐾𑐥𑐵𑐮𑐫𑑂 𑐏𑐳 𑐳𑐵𑐩𑑂𑐬𑐵𑐖𑑂𑐫 𑐰 𑐰𑐫𑐵 𑐮𑐶𑐥𑐵𑐫𑐵 𑐬𑐵𑐖𑐣𑐶𑐟𑐶𑐂 𑐰𑐬𑑂𑐐 𑐧𑑂𑐰𑐖𑑂𑐫𑐵𑐣𑐵

𑐠𑑁𑑄 𑐳𑑂𑐰𑐫𑐵𑑅 𑐣𑐶𑐳𑑅𑐟𑑂𑐫𑐵 𑐟𑐶 𑐡𑑃 𑐣𑑂𑐴𑑂𑐫𑑅 𑐠𑑂𑐰 𑐟𑑅𑐖𑐶𑐎 𑐧𑑂𑐰𑐮𑑄𑐐𑐸 𑐰 𑐔𑑂𑐰𑐣𑑂𑐴𑑂𑐫𑐵𑑅𑐐𑐸 𑐠𑐵𑐫𑑂 𑐏𑐣𑐵𑑅 𑐮𑑂𑐰𑐰𑑄 𑐡𑐵𑐴𑐵𑑅 𑐖𑐸𑐫𑐵𑑅 ‘𑐏𑐳 𑐳𑐵𑐩𑑄𑐟𑐟𑐫𑑂𑐐𑐸 𑐕𑐐𑐹 𑐳𑐎𑑂𑐟𑐶𑑄’ 𑐎𑐾𑐣𑑂𑐡𑑂𑐬𑐶𑐎𑐺𑐟 𑐏𑐳 𑐳𑐵𑐩𑑂𑐬𑐵𑐖𑑂𑐫 𑐡𑐫𑐾𑐎𑐾𑐐𑐸 𑐎𑐸𑐟𑐮𑐫𑑂 𑐳𑑂𑐰𑐣𑐶𑐐𑑅 𑐰 𑐣𑐾𑐥𑐵𑐮𑐩𑑄𑐡𑐮𑐫𑐵𑐟 𑐕𑐮 𑐰 𑐴𑐟𑐵𑐮𑑄 𑐠𑑅𑐐𑐸 𑐎𑐖𑐫𑑂 𑐎𑐵𑐮 𑑋 𑐀𑐣𑑄𑐮𑐶 𑐠𑐷𑐠𑐷 𑐁𑐡𑐶𑐧𑐵𑐳𑐶, 𑐖𑐣𑐖𑐵𑐟𑐶 𑐰 𑐩𑐾𑐩𑐾𑐐𑐸 𑐖𑐣𑐳𑐩𑐸𑐡𑐵𑐫𑐫𑐵 𑐁𑐡𑐶𑐨𑐸𑐩𑐶, 𑐠𑐵𑐫𑑂𑐧𑐵𑐫𑑂 𑐰 𑐩𑐢𑑂𑐫𑐳 𑐨𑐸𑐩𑐶 𑐠𑑅𑐐𑐸 𑐎𑐖𑐫𑑂 𑐎𑐵𑐮 𑑋

𑐧𑐶𑐲𑑂𑐞𑐸 𑐔𑐶𑐟𑑂𑐬𑐎𑐵𑐬

𑐣𑐾𑐥𑐵𑑅 𑐠𑐷𑐠𑐷 𑐨𑐵𑐫𑑂, 𑐟𑐖𑐶𑐮𑐖𑐶, 𑐳𑐶𑐥, 𑐳𑑄𑐳𑑂𑐎𑐵𑐬, 𑐥𑐬𑐩𑑂𑐥𑐬𑐵 𑐰 𑐢𑐬𑑂𑐩 𑐡𑐸𑐥𑐶𑑄 𑐠𑐷𑐠𑐷 𑐁𑐡𑐶𑐰𑐵𑐳𑐷, 𑐖𑐣𑐖𑐵𑐟𑐶 𑐰 𑐩𑐾𑐥𑐶𑑄 𑐖𑐣𑐳𑐩𑐸𑐡𑐵𑐫𑐵 𑐩𑑄𑐎𑐵𑑅 𑐡𑐾𑐫𑑂 𑐏𑑅 𑑋 𑐠𑐸𑐩𑐶𑐳𑑄 𑐡𑐾𑐫𑑂𑐫𑐵 𑐠𑑅𑐠𑑅𑐐𑐸 𑐁𑐡𑐶𑐨𑐹𑐩𑐶𑐂 𑐰 𑐔𑑂𑐰𑐣𑐵𑐠𑐵𑐳𑐫𑑂 𑐠𑑅𑐐𑐸 𑐴𑐶𑐔𑑅𑐟𑐶𑑄 𑐠𑑅𑐠𑑅𑐐𑐸 𑐮𑐴𑐣𑐵 𑐧𑑂𑐰𑐮𑑄𑐎𑐾𑐐𑐸 𑐎𑐸𑐟𑑅 𑐫𑐵𑐣𑐵𑐰𑑅𑐐𑐸 𑐏𑑅 𑑋

𑐳𑑂𑐰𑐣𑐶𑐐𑑅 𑐰 𑐣𑐾𑐥𑐵𑐮𑐩𑐞𑑂𑐜𑐮 𑐣𑐾𑐰𑐵𑑅𑐟𑐫𑑂𑐐𑐸 𑐁𑐡𑐶𑐨𑐹𑐩𑐶 𑐏𑑅 𑑋 𑐠𑐣 𑐡𑑂𑐰𑐮𑑄𑐡𑑂𑐰𑑅 𑐡𑑃 𑐣𑑂𑐴𑑂𑐫𑑅 𑐠𑐩𑐶𑐳𑑄 𑐠𑑅𑐐𑐸 𑐨𑐵𑐫𑑂 𑐧𑑂𑐰𑐮𑑄𑐎𑐾𑐐𑐸 𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋 𑐰𑐫𑐵 𑐴𑐾 𑐮𑐶𑐢𑑄𑐳𑐵𑐫𑑂 𑐠𑑅𑐐𑐸 𑐳𑐶𑐥 𑐰 𑐟𑐖𑐶𑐮𑐖𑐶𑐫𑐵 𑐣𑐵𑐥𑑄 𑐔𑐶𑐟𑑂𑐬𑐎𑐮𑐵, 𑐧𑐵𑐳𑑂𑐟𑐸𑐎𑐮𑐵, 𑐩𑐹𑐬𑑂𑐟𑐶𑐎𑐮𑐵 𑐰 𑐠𑐷𑐠𑐷 𑐳𑐶𑐮𑑂𑐥𑐎𑐮𑐵𑐫𑐵 𑐣𑐵𑐥𑑄 𑐠𑑅𑐐𑐸 𑐮𑐴𑐣𑐵 𑐧𑑂𑐰𑐮𑑄𑐎𑐮 𑑋 𑐠𑑅𑐐𑐸 𑐳𑑄𑐳𑐎𑐵𑐬 𑐰 𑐥𑐬𑑄𑐥𑐬𑐵 𑐧𑑂𑐰𑐮𑑄𑐎𑐮 𑑋 𑐠𑐸𑐎𑐶𑑄 𑐖𑐣𑐟𑐵𑐫𑐵 𑐩𑑂𑐰𑐵𑐣𑐵𑐳𑐸 𑐀𑑅𑐥𑐸𑐎𑐾𑐐𑐸 𑐰 𑐫𑐵𑐄𑑃𑐎𑐾𑐐𑐸 𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋 𑐠𑑁𑑄 𑐳𑑂𑐰𑐫𑐵𑑅 𑐗𑐶𑑄𑐕𑐳𑑅 𑐡𑑃 𑐣𑑂𑐴𑑂𑐫𑑅 𑐠𑑂𑐰𑑄 𑐠𑑅𑐐𑐸 𑐮𑐶𑐥𑐶 𑐧𑑂𑐰𑐮𑑄𑐎𑐮 (𑐥𑐬𑐶𑐩𑐵𑐬𑑂𑐖𑐣 𑐫𑐵𑐟) 𑐀𑐮𑐫𑑂 𑐳𑐵𑐴𑐶𑐟𑑂𑐫 𑐰 𑐔𑑂𑐰𑐖𑑂𑐫𑐵 𑐧𑑂𑐰𑐮𑑄𑐎𑐾𑐐𑐸 𑐖𑑂𑐫𑐵 𑐫𑐵𑐟 𑑋 𑐠𑑁𑑄 𑐠𑐥𑐶𑑄 𑐳𑑄𑐥𑐡𑐵 𑐰𑐶𑐱𑑂𑐰𑐳𑑄𑐥𑐡𑐵𑐫𑐵 𑐎𑐠𑑄 𑐢𑐮𑐎𑐫𑑂 𑐖𑐵𑑅𑐐𑐸 𑐡𑐸 𑑋 𑐡𑐠𑐸𑐂 𑐡𑐠𑐸𑐂 𑐐𑐸𑐮𑐶𑐏𑐫𑑂 𑐩𑐴𑐶𑐟𑐵𑑅𑐟𑐳𑐾𑑄 𑐡𑐸𑐡𑐵𑐫𑐵𑑅 𑐧𑐵 𑐥𑑂𑐬𑐎𑐺𑐟𑐶𑑄 𑐳𑑂𑐫𑑄𑐎𑐵𑑅 𑐴𑑄𑐟𑐵𑑅 𑐖𑐹𑐳𑐵𑑄 𑐠𑐩𑐶𑐳𑑄 𑐡𑐫𑐾𑐎𑐹𑐐𑐸 𑐳𑐵𑐴𑐶𑐟𑑂𑐫 𑐰 𑐔𑑂𑐰𑐖𑑂𑐫𑐵𑐫𑐵𑐟 𑐴𑐮𑐶𑐩𑐫𑑂 𑐩𑐹𑐩𑐹𑐐𑐸 𑐳𑑄𑐐𑑂𑐬𑐴𑐵𑐮𑐫𑑂 𑐰 𑐡𑐾𑐫𑑂 𑐡𑐸𑐣𑐾𑐫𑐵 𑐳𑐦𑐹 𑐢𑐸𑐎𑐹 𑐩𑐸𑐣𑐵𑐢𑐸𑐎𑐹 (𑐳𑑄𑐐𑑂𑐬𑐴𑐵𑐮𑐫𑑂) 𑐧𑐴𑐵𑑅 𑐧𑐴𑐷 𑐰 𑐖𑐣𑐟𑐵𑐫𑐵 𑐕𑐾𑑃 𑐢𑐸𑐎𑐸𑐟𑐶𑐂 𑐡𑑂𑐰𑐮𑑄𑐡𑑂𑐰𑑅𑐫𑐵 𑐮𑑂𑐫𑐵𑐏𑐫𑑂 𑐡𑐫𑐵 𑐔𑑂𑐰𑑄𑐐𑐸 𑐡𑐣𑐶 𑑋 𑐀𑐮𑐫𑑂 𑐳𑑂𑐰𑐣𑐶𑐐𑐮𑐫𑑂 𑐖𑐎 𑐩𑐣𑐸𑐏𑑄 𑐡𑐫𑐾𑐎𑐹𑐐𑐸 𑐣𑑂𑐴𑐫𑑂𑐐𑐹 𑐠𑐵𑐫𑑂 𑐰𑐶𑐱𑑂𑐰𑐳𑑄𑐥𑐡𑐵𑐫𑑂 𑐡𑐸𑐠𑑂𑐫𑐵𑑅𑐐𑐸 𑐖𑐸𑐮𑑋 𑐠𑑂𑐰𑐫𑐵 𑐴𑐾 𑐴𑐸𑐣𑐶𑑄 𑐴𑐮𑐶𑐩𑐫𑑂 𑐣𑐾𑐥𑐵𑑅𑐫𑐵 𑐣𑐵𑑄 𑐔𑑂𑐰𑐣 𑑋

𑐠𑑁𑑄 𑐳𑑂𑐰𑐫𑐵𑑅 𑐣𑐶𑐳𑑅𑐟𑑂𑐫𑐵 𑐟𑐶 𑐡𑑃 𑐣𑑂𑐴𑑂𑐫𑑅 𑐠𑑂𑐰 𑐟𑑅𑐖𑐶𑐎 𑐧𑑂𑐰𑐮𑑄𑐐𑐸 𑐰 𑐔𑑂𑐰𑐣𑑂𑐴𑑂𑐫𑐵𑑅𑐐𑐸 𑐠𑐵𑐫𑑂 𑐏𑐣𑐵𑑅 𑐮𑑂𑐰𑐰𑑄 𑐡𑐵𑐴𑐵𑑅 𑐖𑐸𑐫𑐵𑑅 ‘𑐏𑐳 𑐳𑐵𑐩𑑄𑐟𑐟𑐫𑑂𑐐𑐸 𑐕𑐐𑐹 𑐳𑐎𑑂𑐟𑐶𑑄’ 𑐎𑐾𑐣𑑂𑐡𑑂𑐬𑐶𑐎𑐺𑐟 𑐏𑐳 𑐳𑐵𑐩𑑂𑐬𑐵𑐖𑑂𑐫 𑐡𑐫𑐾𑐎𑐾𑐐𑐸 𑐎𑐸𑐟𑐮𑐫𑑂 𑐳𑑂𑐰𑐣𑐶𑐐𑑅 𑐰 𑐣𑐾𑐥𑐵𑐮𑐩𑑄𑐡𑐮𑐫𑐵𑐟 𑐕𑐮 𑐰 𑐴𑐟𑐵𑐮𑑄 𑐠𑑅𑐐𑐸 𑐎𑐖𑐫𑑂 𑐎𑐵𑐮 𑑋 𑐀𑐣𑑄𑐮𑐶 𑐠𑐷𑐠𑐷 𑐁𑐡𑐶𑐧𑐵𑐳𑐶, 𑐖𑐣𑐖𑐵𑐟𑐶 𑐰 𑐩𑐾𑐩𑐾𑐐𑐸 𑐖𑐣𑐳𑐩𑐸𑐡𑐵𑐫𑐫𑐵 𑐁𑐡𑐶𑐨𑐸𑐩𑐶, 𑐠𑐵𑐫𑑂𑐧𑐵𑐫𑑂 𑐰 𑐩𑐢𑑂𑐫𑐳 𑐨𑐸𑐩𑐶 𑐠𑑅𑐐𑐸 𑐎𑐖𑐫𑑂 𑐎𑐵𑐮 𑑋

𑐠𑐸𑐎𑐠𑑄 𑐠𑑅𑐐𑐸 𑐎𑐖𑐫𑑂 𑐎𑐵𑑅𑐐𑐸 𑐠𑐵𑐳𑐫𑑂 ‘𑐏𑐳 𑐳𑐵𑐩𑑄𑐟𑐶 𑐳𑐵𑐩𑑂𑐬𑐵𑐖𑑂𑐫’ 𑐠𑐵𑐟𑑄 𑐟𑐫𑐾𑐟 𑐣𑐾𑐰𑐵𑑅𑐟 𑐰 𑐩𑐾𑐥𑐶𑑄 𑐁𑐡𑐶𑐰𑐵𑐳𑐶 𑐖𑐣𑐖𑐵𑐟𑐶𑐟𑐫𑑂𑐟 𑐁𑐥𑐵𑐮𑑄 𑐮𑑂𑐫𑐵𑐏𑐫𑑂 𑐳𑑂𑐫𑐵𑐫𑐾𑐐𑐸, 𑐎𑐳𑐵 𑐧𑐶𑐂𑐐𑐸 𑐰 𑐠𑑅𑐐𑐸 𑐁𑐡𑐶𑐨𑐸𑐩𑐶 𑐰 𑐡𑐾𑐳𑑄 𑐥𑐶𑐟𑐶𑐣𑐾𑐐𑐸 𑐖𑑂𑐫𑐵 𑐫𑐵𑐟 𑑋 𑐀𑐫𑑂𑐣𑑄 𑐂𑐩𑐶𑐳𑑄 𑐩𑐹𑐎𑐠𑑄 𑐮𑐶𑐥𑐵𑐠𑑂𑐫𑑄𑐎 𑐮𑐶𑐔𑑂𑐰𑑅 𑐮𑐵𑐂𑐐𑐸 𑐣𑐶𑐟𑐵 𑐖𑑂𑐫𑐵 𑐫𑐵𑑅𑐐𑐸 𑐖𑐸𑐮 𑑋 𑐕𑐟𑐵, 𑐠𑑅𑐐𑐸 𑐳𑐟𑑂𑐟𑐵 𑐎𑑂𑐰𑐵𑐟𑐸𑐎𑐾𑐐𑐸 𑐰 𑐩𑐾𑐟𑐵, 𑐡𑐎𑑂𑐰 𑐖𑐣𑐳𑐩𑐸𑐡𑐵𑐫𑐫𑐵𑐟 𑐠𑑅𑐐𑐸 𑐎𑐖𑐫𑑂 𑐟𑐫𑐵𑑅 𑐎𑑂𑐰𑐟𑑂𑐫𑐮𑐵 𑐟𑐫𑐾𑐐𑐸 𑐰 𑐧𑐸𑐮𑐸𑐴𑐸𑑄 𑐂𑐩𑐶𑐐𑐸 𑐩𑑂𑐴𑐳𑐶𑐂𑐎𑐵 𑐴𑐸𑐫𑐾𑐐𑐸 𑐰 𑐠𑑅𑐐𑐸 𑐳𑐟𑑂𑐟𑐵 𑐠𑐵𑐟𑑄 𑐟𑐫𑐾𑐐𑐸 𑑋

𑐔𑑂𑐰𑐫𑑂 𑐣𑑂𑐴𑑂𑐫𑐠𑐣𑐵𑐐𑐸 ‘𑐏𑐳 𑐳𑐵𑐩𑑄𑐟𑐶 𑐳𑐵𑐩𑑂𑐬𑐵𑐖𑑂𑐫’𑐫𑐵 𑐩𑑄𑐟𑐸𑐣𑐵 𑐥𑐹𑐰𑑄𑐎𑐾𑐟 𑐣𑑂𑐴𑐵𑐥𑐵𑑄𑐐𑐸 𑐥𑐮𑐵𑑅, 𑐎𑐠𑑄 𑐂𑐩𑐶𑐳𑑄 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄, 𑐡𑐾𑐫𑑂𑐘𑑂𑐫𑑄𑐎 𑐁𑐡𑐶𑐧𑐵𑐳𑐶𑐟𑐫𑑂𑐐𑐸 𑐀𑐡𑐶𑐨𑐸𑐩𑐶 𑐰 𑐠𑐵𑐫𑑂𑐧𑐵𑐫𑑂 𑐠𑑅𑐐𑐸 𑐎𑐖𑐫𑑂 𑐎𑐵𑐮 𑑋 𑐳𑑂𑐰𑑄𑐐𑐹𑐐𑐸, 𑐡𑐾𑐫𑑂𑐘𑑂𑐫𑑄𑐎 𑐠𑑅𑐐𑐸 𑐎𑐖𑐫𑑂 𑐎𑐵𑑅𑐐𑐸 𑐠𑐵𑐳𑐫𑑂 ‘𑐏𑐳 𑐳𑐩𑐸𑐡𑐵𑐫’𑐫𑐵𑐟 𑐫𑑄𑐎𑐵𑑅 𑐳𑐶𑐟𑐶𑐎𑑄 𑐠𑐵𑐫𑑂 𑐂𑐣𑐾𑐐𑐸 𑐰 𑐀𑐣 𑐠𑐵𑐟𑑄𑐔𑑂𑐰𑐣𑐾𑐐𑐸 𑐰𑑂𑐫𑐰𑐳𑑂𑐠𑐵𑐫𑐵𑐟 𑑋 𑐥𑑂𑐫𑑄𑐐𑐹𑐐𑐸, 𑐡𑐾𑐫𑑂𑐘𑑂𑐫𑑄𑐎𑐫𑐵 𑐥𑑂𑐬𑐳𑐵𑐳𑐣 𑐠𑑅𑐐𑐸 𑐎𑐖𑐫𑑂 𑐎𑐫𑐵𑑅 𑐀𑐣 𑐟𑐫𑐾𑐴𑑅𑐥𑐶𑑄 𑐏𑐳 𑐳𑐩𑐸𑐡𑐵𑐫𑐫𑐵 𑐮𑑂𑐴𑐵𑑅𑐟𑐶𑐂 𑐟𑐫𑐵𑐧𑐶𑐂𑐐𑐸 𑐖𑑂𑐫𑐵 𑐫𑐵𑐟 𑑋 𑐀𑐮𑐫𑑂 𑐏𑐳 𑐳𑐩𑐸𑐡𑐵𑐫𑐵𑐫𑐵𑐟 𑐟𑑂𑐰𑑅𑐟𑐵𑑅 𑐩𑐾𑐥𑐶𑑄𑐟 𑐥𑑂𑐬𑐳𑐵𑐳𑐣 𑐣𑑂𑐴𑑂𑐫𑐵𑐎𑐾𑐐𑐸 𑐖𑑂𑐫𑐵𑐫𑑂 𑐡𑐸𑐴𑐵𑑄𑐰𑐣𑐾𑐐𑐸 𑐮𑑃𑐥𑐸 𑐥𑑂𑐰𑐵𑑅𑐟𑐶𑐣𑐵 𑐧𑐶𑐮 𑑋    

𑐣𑐶𑐐𑐹𑐐𑐸 𑐥𑐮𑐵𑑅, 𑐎𑐠𑑄 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐏𑐳 𑐧𑐩𑑂𑐬𑑂𑐴𑐹 𑐰 𑐨𑐵𑐂 𑐨𑐵𑐂𑐡𑐵𑐬𑐟𑐫𑑂𑐟 𑐟𑑂𑐰𑑅𑐟𑐵𑑅 𑐩𑐾𑐥𑐶𑑄 𑐳𑐎𑐮 𑐖𑐣𑐳𑐩𑐸𑐡𑐵𑐫𑐫𑐵𑐟 𑐍𑐥𑐔𑐵𑐬𑐶𑐎 𑐳𑐶𑐎𑑂𑐲𑐵𑑄 𑐧𑑂𑐫𑐵𑐐𑐮𑑄 𑐟𑐫𑐾𑐐𑐸 𑐖𑑂𑐫𑐵𑐫𑐵𑐟 𑑋 𑐏𑐳 𑐧𑐩𑑂𑐬𑑂𑐴𑐸 𑐰 𑐨𑐵𑐂 𑐨𑐵𑐬𑐡𑐵𑐬𑐟𑐫𑑂𑐐𑐸 𑐮𑐵𑐐𑐶 𑐖𑐎 𑐐𑐸𑐬𑐸 𑐎𑐸𑐮𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐐𑐸 𑐖𑑂𑐫𑐵 𑐫𑐵𑐟 𑑋 𑐣𑐶𑐐𑐹𑐐𑐸 𑐖𑑂𑐫𑐵, 𑐖𑐣𑐟𑐵𑐫𑐵𑐟 𑐠𑑅𑐐𑐸 𑐳𑐶𑐥 𑐰 𑐮𑑂𑐴𑐵𑑅 𑐔𑐸𑐮𑐵𑑅 𑐫𑐵𑑃𑐄𑐎 𑐩𑑂𑐰𑐵𑐫𑐾 𑐦𑐂𑐐𑐸 𑐮𑐎𑐳 𑐩𑐡𑐫𑐾𑐎𑐵 𑐧𑐶𑐮 𑑋 𑐳𑑂𑐰𑑄𑐐𑐹𑐐𑐸 𑐖𑑂𑐫𑐵, 𑐥𑑂𑐬𑐳𑐵𑐳𑐣𑐫𑑂 ‘𑐏𑐳 𑐨𑐵𑐳𑐵’ 𑐟𑑂𑐰𑑅𑐟𑐵𑑅 𑐖𑐣𑐟𑐵𑐫𑐵𑐟 𑐠𑑅𑐠𑑅𑐐𑐸 𑐩𑐵𑑄𑐨𑐵𑐫𑑂 𑐕𑐫𑐮𑐾 𑐩𑐡𑐫𑐾𑐎𑐵 𑐧𑐶𑐮 𑑋 𑐥𑑂𑐫𑑄𑐐𑐹𑐐𑐸 ‘𑐎𑐾𑐣𑑂𑐡𑑂𑐬𑐶𑐎𑐺𑐟 𑐣𑐶𑐬𑑄𑐎𑐸𑐳 𑐏𑐳 𑐳𑐵𑐩𑑄𑐟𑐶 𑐳𑐟𑑂𑐟𑐵’ 𑐖𑐣𑐟𑐵𑐫𑐵𑐟 𑐎𑑂𑐰𑐔𑐶𑐣𑐾𑐐𑐸 𑐖𑑂𑐫𑐵 𑐫𑐵𑐟 𑑋    

𑐠𑑂𑐰𑐫𑐵 𑐮𑐶𑐔𑑂𑐰𑑅, 𑐍𑐥𑐔𑐵𑐬𑐶𑐎 𑐳𑐶𑐎𑑂𑐲𑐵 𑐎𑐵𑐫𑐾 𑐩𑐏𑐣𑐵𑑅 𑐖𑐣𑐟𑐵 𑐩𑐳𑑅 𑐩𑐳𑑂𑐫𑐹 𑐖𑐸𑐮 𑑋 𑐐𑐸𑐬𑐸𑐎𑐸𑐮𑐫𑐵 𑐳𑐶𑐎𑑂𑐲𑐵 𑐎𑐵𑐫𑐾 𑐏𑑄𑐥𑐶𑑄 𑐕𑐸𑑄𑐕𑐸𑑄 𑐏𑐳 𑐧𑐩𑑂𑐬𑑂𑐴𑐹 𑐰 𑐂𑐩𑐶𑐐𑐸 𑐳𑐟𑑂𑐟𑐵𑐫𑑂 𑐧𑑂𑐰𑐟𑐶 𑐡𑐸𑐥𑐶𑐣𑐶 𑐳𑑄𑐟𑐵𑐣𑐟 𑐖𑐎 𑐳𑑅𑐳𑑂𑐫𑐹 𑐖𑐸𑐫𑐵𑑅 𑐔𑑄𑐟𑐵𑑅𑐮𑐵𑑅𑐳𑐵𑑄 𑐀𑐥𑐵𑐮𑑄 𑐏𑐳 𑐳𑐩𑐸𑐡𑐵𑐫 𑐟𑐎𑑄 𑐩𑐳𑑅 𑐩𑐳𑑂𑐫𑐹 𑐖𑐸𑐮 𑑋 𑐡𑐾𑐫𑑂 𑐰 𑐖𑐣𑐟𑐵 𑐧𑑂𑐰𑐮𑐣𑐵𑑅 𑐔𑑂𑐰𑐣𑑂𑐴𑑂𑐫𑐵𑐫𑐾 𑐩𑐦𑐂𑐐𑐸 𑐖𑐸𑐮 𑑋    

𑐠𑑅𑐐𑐸 𑐳𑐶𑐥 𑐰 𑐮𑑂𑐴𑐵𑑅 𑐔𑐸𑐮𑐵𑑅 𑐩𑑂𑐰𑐵𑐫𑐾 𑐩𑐦𑐂𑐐𑐸 𑐮𑐎𑐳 𑐧𑑂𑐰𑐮𑐣𑐵𑑅 𑐖𑐣𑐟𑐵 𑐔𑐷𑐩𑐶 𑐖𑐸𑐮 𑑋 𑐠𑑅𑐐𑐸 𑐮𑑂𑐴𑐵𑑅𑐟𑐫𑑂 𑐔𑑂𑐰𑑄𑐐𑐸 𑐳𑐟𑑂𑐟𑐵𑐫𑐵𑐟 𑐩𑐏𑐸𑐎𑐠𑑄 𑐕𑑂𑐫𑐮𑐵𑑅 𑐖𑐣𑐟𑐵𑐫𑐵𑐟 𑐎𑑂𑐰𑐟𑑂𑐫𑐮𑐵 𑐔𑑂𑐰𑑄𑐥𑐶𑑄 𑐳𑐵𑐩𑑄𑐟𑐟 𑐴𑐾 𑐖𑐎 𑐟𑑅𑐩𑐶 𑐖𑐸𑐂𑐐𑐸 𑐖𑐸𑐮 𑑋 𑐡𑐾𑐫𑑂 𑐰 𑐖𑐣𑐟𑐵 𑐧𑑂𑐰𑐮𑐣𑐵𑑅 𑐔𑑂𑐰𑐣𑑂𑐴𑑂𑐫𑐵𑐫𑐾 𑐩𑐦𑐂𑐐𑐸 𑐖𑐸𑐮 𑑋

𑐠𑑅𑐐𑐸 𑐩𑐵𑑄𑐨𑐵𑐫𑑂 𑐕𑐫𑐮𑐾 𑐩𑐡𑐫𑐵𑑅 𑐠𑑅𑐐𑐸 𑐩𑑂𑐴𑐳𑐶𑐂𑐎𑐵 𑐟𑑄𑐎𑐾 𑐩𑐵𑑅𑐐𑐸, 𑐣𑑂𑐫𑐵𑐫 𑐰 𑐳𑐸𑐔𑑄𑐫𑐵𑐟 𑐠𑐸𑐂𑐎𑐾𑐐𑐸 𑐴𑐎 𑐎𑐵𑐫𑐾 𑐩𑐏𑐣𑐵𑑅 𑐖𑐣𑐟𑐵 𑐡𑑂𑐫𑐵𑐥𑑄 𑐔𑑂𑐰𑐣𑐾𑐩𑐵𑑅𑐐𑐸 𑐮𑐎𑐳 𑐧𑑂𑐰𑐮𑐣 𑑋 𑐠𑐸𑐎𑐠𑑄 𑐠𑑂𑐰 ‘𑐣𑐶𑐬𑑄𑐎𑐸𑐳 𑐏𑐳 𑐳𑐵𑐩𑑄𑐟𑐶 𑐳𑐟𑑂𑐟𑐵’ 𑐫𑐵 𑐎𑑂𑐰𑐫𑑂 𑐳𑐎𑐮 𑐖𑐣𑐟𑐵 𑑑𑑘𑑒 𑐡𑑃 𑐟𑐎 𑐎𑑂𑐰𑐟𑑂𑐫𑐫𑐾𑐎𑐵 𑐔𑑂𑐰𑐣𑐾𑐩𑐵𑐮 𑑋 𑐴𑐮𑐶𑐩𑐫𑑂 𑐰𑑅𑐐𑐸 𑐠𑐷𑐠𑐷 𑐴𑑂𑐫𑐹𑐥𑐵𑑅 𑐰 𑐡𑐾𑐳𑐫𑑂 𑐡𑐸𑐣𑐾 ‘𑐣𑐶𑐬𑑄𑐎𑐸𑐳 𑐳𑐵𑐩𑑄𑐟𑐶 𑐳𑐟𑑂𑐟𑐵’𑐫𑐵 𑐎𑑂𑐰𑐫𑑂 𑐡𑐸𑐣𑐾 ‘𑐣𑐶𑐬𑑄𑐎𑐸𑐳 𑐳𑐵𑐩𑑄𑐟𑐶 𑐳𑐟𑑂𑐟𑐵’ 𑐫𑐵 𑐎𑑂𑐰𑐫𑑂 𑐔𑑂𑐫𑐵𑐣𑐵𑐰𑑅𑐐𑐸 𑐖𑐣 𑐰𑐶𑐡𑑂𑐬𑑀𑐴𑐫𑐵 𑐣𑐵𑐥𑑄 𑐠𑐷𑐠𑐷 𑐮𑐎𑐳𑐫𑑂 𑐡𑐾𑐳𑑄𑐥𑐶𑐣𑐾 𑐰𑐣𑐵𑑅 𑐳𑐶𑐎𑑂𑐲𑐵 𑐎𑐵𑐫𑐾𑐟 𑐟𑐵𑑅𑐮𑐵𑑅𑐥𑐶𑑄 𑐖𑐣𑐳𑐩𑐸𑐡𑐵𑐫 𑐣𑑄 𑐀𑐥𑑂𑐰𑐫𑐵 𑐰𑐫𑐾𑐰 𑐖𑐣𑐟𑐵𑐫𑑂 𑐰𑐵𑑅𑐔𑐵𑑅 𑐠𑐣𑐾𑐐𑐸 𑐎𑐸𑐟𑑅 𑐰 𑐖𑑂𑐫𑐵𑐏𑑃 𑐣𑑄 𑐟𑐔𑑂𑐰𑐫𑐵 𑐰𑐣𑐵𑑅 𑐡𑐾𑐫𑑂 𑐣𑑂𑐫𑑄𑐎 𑐡𑐾𑐳𑐫𑑂 𑐴𑑂𑐫𑐹𑐥𑐵𑑅 𑐴𑐫𑐾𑐐𑐸 𑐁𑐣𑑂𑐡𑑀𑐮𑐣 𑐣𑑂𑐴𑑂𑐫𑐵𑐟 𑑋

𑐕𑐸𑑄 𑐃 𑐮𑐶𑐥𑐵 ‘𑐏𑐳 𑐳𑐵𑐩𑑄𑐟𑐶 𑐬𑐵𑐖𑐟𑐣𑑂𑐟𑑂𑐬𑑄’ 𑐠𑑅𑐐𑐸 𑐳𑐎𑑂𑐟𑐶 𑐩𑐸𑑄𑐎𑐵𑑅 𑐀𑐣𑐸𑐡𑐵𑐬𑐰𑐵𑐡𑐶 𑐏𑐳 𑐩𑐢𑑂𑐫𑐩 𑐰𑐬𑑂𑐐𑐫𑐵 𑐕𑐐𑐹 𑐳𑐎𑑂𑐟𑐶𑐫𑐵 𑐐𑑂𑐰𑐴𑐵𑐮𑐶 𑐎𑐫𑐵𑑅 ‘𑐄𑐡𑐵𑐬𑐰𑐵𑐡𑐶 𑐏𑐳 𑐩𑐢𑑂𑐫𑐩 𑐰𑐬𑑂𑐐𑐫𑐵 𑐳𑐎𑑂𑐟𑐶’𑐫𑐵𑐟 𑐠𑑅𑐐𑐸 𑐎𑐖𑐫𑑂 𑐎𑐵𑐮 𑑋 𑐠𑐸𑐎𑐠𑑄 𑐣𑐾.𑐳𑑄. 𑑑𑑐𑑘𑑐 (𑑐𑑑𑑗 𑐳𑐵𑐮𑑄) 𑐏𑐳 𑐳𑐵𑐩𑑄𑐟𑐶 𑐬𑐵𑐖𑐟𑐣𑑂𑐟𑑂𑐬 𑐰 𑐀𑐣𑐸𑐡𑐵𑐬𑐰𑐵𑐡𑐶 𑐡𑐮𑐵𑐮 𑐣𑑀𑐎𑐬𑐳𑐵𑐴 𑐳𑐎𑑂𑐟𑐶’ 𑐧𑑂𑐰𑐮𑐣 𑑋 𑐠𑑂𑐰𑐫𑐵𑐟 ‘𑐣𑐶𑐬𑑄𑐎𑐸𑐳 𑐥𑑄𑐔𑐵𑐫𑐟𑐶 𑐬𑐵𑐖𑐟𑐣𑑂𑐟𑑂𑐬’ 𑐣𑑄 𑐢𑐵𑐫𑐾𑐐𑐸 𑐫𑐵𑐟 𑑋

𑐡𑐾𑐫𑑂𑐫𑐵 𑐮𑐵𑐫𑑂𑐎𑐹 𑐳𑑂𑐰𑐣𑐶𑐐𑐮𑐫𑑂 𑐣𑑂𑐴𑐵𑐥𑐵𑑄𑐐𑐸 𑐬𑐵𑐖𑐣𑐷𑐟𑐶𑐎 𑐡𑐮 ‘𑐣𑐾𑐥𑐵𑐮 𑐥𑑂𑐬𑐖𑐵 𑐥𑐬𑐶𑐲𑐡𑑂’, ‘𑐎𑐵𑑄𑐐𑑂𑐬𑐾𑐳’ 𑐰 ‘𑐎𑐩𑑂𑐫𑐸𑐣𑐶𑐳𑑂𑐟 𑐥𑐵𑐬𑑂𑐟𑐶’ 𑐟 𑐥𑐮𑐶𑐳𑑂𑐠𑐵 𑐫𑐵𑐣𑐵𑑅 𑐣𑐾𑐥𑐵𑐮𑐫𑑂 𑐬𑐵𑐖𑐣𑐷𑐟𑐶𑐎 𑐁𑐣𑑂𑐡𑑀𑐮𑐣 𑐣𑑂𑐴𑑂𑐫𑐵𑐎𑐾𑐟 ‘𑐣𑐾𑐰𑐵𑑅’ 𑐳𑐩𑐸𑐡𑐵𑐫𑐫𑐵 𑐟𑑅𑐖𑐶𑐐𑐸 𑐮𑑂𑐴𑐵𑑅 𑐰 𑐟𑐶𑐧𑑅 𑐡𑐸𑐐𑐸 𑐏𑑅 𑑋 𑐣𑐶𑐬𑑄𑐎𑐸𑐳 ‘𑐏𑐳 𑐳𑐵𑐩𑑄𑐟𑐶 𑐳𑐟𑑂𑐟𑐵’ 𑐫𑐵 𑐧𑐶𑐬𑐸𑐡𑑂𑐢 𑐧𑐶𑐡𑑂𑐬𑑀𑐴 𑐫𑐵𑐫𑐾 𑐟𑑂𑐫𑑄𑐐𑐸 𑐡𑑂𑐰𑐥𑐣𑐫𑑂 𑐁𑐥𑐵𑐮𑑄  ‘𑐣𑐾𑐰𑐵𑑅𑐟𑐳𑐾𑑄 𑐟𑑅𑐖𑐶𑐐𑐸 𑐧𑐮𑐶𑐡𑐵𑐣 𑐟𑐎𑑄 𑐧𑐶𑐮 𑑋  𑐠𑑂𑐰𑐫𑐵 𑐴𑐾 𑐗𑑂𑐰𑐮𑐫𑑂 𑐁𑐡𑐶𑐧𑐵𑐳𑐶 𑐖𑐣𑐖𑐵𑐟𑐶 𑐰 𑐩𑐾𑐐𑐸 𑐳𑐩𑐸𑐡𑐵𑐫𑐵𑐫𑐥𑐶𑑄 𑐣𑑄 𑐁𑐣𑑂𑐡𑑀𑐮𑐣𑐫𑑂 𑐎𑐸𑐴𑐵𑑄𑐰𑐮 𑑋 𑐐𑐸𑐮𑐶𑐳𑐶𑐣 𑐧𑐮𑐶𑐡𑐵𑐣 𑐣𑑄 𑐧𑐶𑐮 𑑋 𑐀𑐫𑑂𑐣𑑄 𑐕𑐸𑑄 𑐩𑐣𑐹𑐟 𑐧𑐩𑑂𑐬𑑂𑐴𑐹 𑐖𑐹𑐐𑐸𑐴𑐾 𑐴𑐸𑐣𑐶𑑄 𑐖𑐎 𑐳𑐷 𑐩𑑂𑐰𑐵𑑅𑐮 𑑋 𑐡𑐎𑐮𑐫𑑂 𑐮𑐶𑐥𑐵, 𑐡𑐾𑐫𑑂 𑐡𑐸𑐣𑐾𑐫𑐵𑐐𑐸 𑐰 𑐴𑐮𑐶𑑄𑐫𑐵 𑐬𑐵𑐖𑐣𑐶𑐟𑐶𑐂 𑐧𑑂𑐰𑐮𑑄𑐐𑐸 𑐮𑐳𑐎𑐳𑐫𑐵 𑐴𑐸𑐣𑐶𑑄 𑐣𑐵𑐥𑑄 𑐨𑐵𑐬𑐟 𑐳𑐬𑐎𑐵𑐬𑐫𑐵 𑐡𑐰𑐵𑐰𑐫𑐵 𑐴𑐸𑐣𑐶𑑄 𑐡𑐾𑐳𑐫𑑂 𑐁𑐣𑑂𑐡𑑀𑐮𑐣 𑐡𑐶𑐎𑐾 𑐩𑐵𑐮 𑑋 𑐀𑐮𑐫𑑂 𑐏𑐳 𑐳𑐵𑐩𑑄𑐟 𑐰 𑐩𑐢𑑂𑐫𑐩 𑐰𑐬𑑂𑐐𑐫𑐵 𑐳𑐟𑑂𑐟𑐵’ 𑐡𑐫𑐾𑐎𑐾𑐐𑐸 𑐮𑑃𑐥𑐸 𑐔𑐵𑐮 𑑋 𑐠𑑂𑐰𑐫𑐵 𑐮𑐰𑑅 𑐎𑐫𑐵𑑅 𑐩𑐢𑑂𑐫𑐩 𑐰𑐬𑑂𑐐𑐫𑐵 𑐏𑐳 𑐧𑐩𑑂𑐬𑑂𑐴𑐹𑐟𑐫𑑂𑐐𑐸 𑐕𑐐𑐹 𑐥𑐸𑐔𑐮𑑄 𑐬𑐵𑐖𑑂𑐫 𑐳𑐟𑑂𑐟𑐵𑐫𑑂 𑐠𑑅𑐐𑐸 𑐠𑐵𑐫𑑂 𑐡𑐫𑐾𑐎𑐾𑐐𑐸𑐮𑐶𑐂 𑐟𑐵𑑅𑐮𑐵𑐎𑐮 𑑋    

𑐠𑑂𑐰𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐣𑐾.𑐳𑑄. 𑑑𑑐𑑗𑑐 (𑑐𑑗 𑐳𑐵𑐮) 𑐫𑐵 𑐴𑑂𑐫𑐹𑐥𑐵𑐮𑑄 ‘𑐬𑐵𑐣𑐵𑐟𑐫𑑂𑐐𑐸 𑐣𑐶𑐬𑑄𑐎𑐸𑐳 𑐳𑐵𑐩𑑄𑐟𑐶 𑐳𑐟𑑂𑐟𑐵’ 𑐎𑑂𑐰𑑅𑐡𑐮 𑑋 𑐰𑐫𑐵 𑐠𑐵𑐳𑐫𑑂 ‘𑐏𑐳 𑐳𑐵𑐩𑑄𑐟𑐶 𑐬𑐵𑐖𑐟𑐣𑑂𑐟𑑂𑐬 𑐰 𑐄𑐡𑐵𑐬𑐰𑐵𑐡𑐶 𑐣𑑀𑐎𑐬𑐳𑐵𑐴𑐟𑐣𑑂𑐟𑑂𑐬’ 𑐧𑑂𑐰𑐮𑐣 𑑋    

𑐕𑐸𑑄 𑐃 𑐮𑐶𑐥𑐵 ‘𑐏𑐳 𑐳𑐵𑐩𑑄𑐟𑐶 𑐬𑐵𑐖𑐟𑐣𑑂𑐟𑑂𑐬𑑄’ 𑐠𑑅𑐐𑐸 𑐳𑐎𑑂𑐟𑐶 𑐩𑐸𑑄𑐎𑐵𑑅 𑐀𑐣𑐸𑐡𑐵𑐬𑐰𑐵𑐡𑐶 𑐏𑐳 𑐩𑐢𑑂𑐫𑐩 𑐰𑐬𑑂𑐐𑐫𑐵 𑐕𑐐𑐹 𑐳𑐎𑑂𑐟𑐶𑐫𑐵 𑐐𑑂𑐰𑐴𑐵𑐮𑐶 𑐎𑐫𑐵𑑅 ‘𑐄𑐡𑐵𑐬𑐰𑐵𑐡𑐶 𑐏𑐳 𑐩𑐢𑑂𑐫𑐩 𑐰𑐬𑑂𑐐𑐫𑐵 𑐳𑐎𑑂𑐟𑐶’𑐫𑐵𑐟 𑐠𑑅𑐐𑐸 𑐎𑐖𑐫𑑂 𑐎𑐵𑐮 𑑋 𑐠𑐸𑐎𑐠𑑄 𑐣𑐾.𑐳𑑄. 𑑑𑑐𑑘𑑐 (𑑐𑑑𑑗 𑐳𑐵𑐮𑑄) 𑐏𑐳 𑐳𑐵𑐩𑑄𑐟𑐶 𑐬𑐵𑐖𑐟𑐣𑑂𑐟𑑂𑐬 𑐰 𑐀𑐣𑐸𑐡𑐵𑐬𑐰𑐵𑐡𑐶 𑐡𑐮𑐵𑐮 𑐣𑑀𑐎𑐬𑐳𑐵𑐴 𑐳𑐎𑑂𑐟𑐶’ 𑐧𑑂𑐰𑐮𑐣 𑑋 𑐠𑑂𑐰𑐫𑐵𑐟 ‘𑐣𑐶𑐬𑑄𑐎𑐸𑐳 𑐥𑑄𑐔𑐵𑐫𑐟𑐶 𑐬𑐵𑐖𑐟𑐣𑑂𑐟𑑂𑐬’ 𑐣𑑄 𑐢𑐵𑐫𑐾𑐐𑐸 𑐫𑐵𑐟 𑑋

𑐠𑑂𑐰 𑐳𑐎𑑂𑐟𑐶𑑄 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐥𑐸𑐮𑐵𑑄𑐐𑐸 ‘𑐏𑐳 𑐳𑐵𑐩𑑄𑐟𑐶 𑐳𑐵𑐩𑑂𑐬𑐵𑐖𑑂𑐫’ 𑐫𑐵 𑐩𑐹𑐟𑐵𑐟𑐸𑐣𑐫𑐵𑐟 𑐎𑐫𑑂𑐔𑑂𑐫𑐵𑐣𑐵𑑅 𑐥𑑂𑐬𑐳𑐵𑐳𑐣𑐫𑐵𑐟 𑐣𑑂𑐴𑑂𑐫𑐵𑐧𑐮𑐾𑑄 𑐏𑐳 𑐳𑐩𑐸𑐡𑐵𑐫𑐫𑐵 𑐎𑐖𑐫𑑂 𑐟𑐫𑐵𑐟𑐫𑐾 𑐦𑐫𑐾𑐎𑐾𑐟 𑐁𑐡𑐶𑐧𑐵𑐳𑐶 𑐖𑐣𑐟𑐵𑐟𑐶 𑐰 𑐩𑐾𑐐𑐸 𑐖𑐣𑐳𑐩𑐸𑐡𑐵𑐫𑐫𑐵 𑐁𑐡𑐶𑐨𑐸𑐩𑐶 𑐰 𑐠𑐵𑐫𑑂𑐧𑐵𑐫𑑂𑐫𑐵 𑐮𑐶𑐢𑑄𑐳𑐵 𑐩𑑂𑐴𑐵𑐳𑐫𑑂 𑐫𑐵𑐣𑐵𑑅 𑐏𑐳 𑐳𑐩𑐸𑐡𑐵𑐫𑐫𑐵 𑐧𑐵𑐴𑐸𑐮𑑂𑐫𑐟𑐵 𑐧𑐵 𑐥𑑂𑐬𑐨𑐸𑐟𑑂𑐰 𑐦𑐸𑐎𑑄 𑐖𑐶𑐮𑑂𑐮𑐵𑐫𑑂 𑐡𑐂 𑐎𑐠𑑄 𑐣𑑂𑐴𑐫𑑂𑐘𑑂𑐫𑐵𑐐𑐹 (𑑗𑑕 𑐐𑐹) 𑐥𑑂𑐬𑐳𑐵𑐳𑐣𑐶𑐎 𑐖𑐶𑐮𑑂𑐮𑐵𑐫𑐵 𑐳𑐶 𑐎𑐶𑐂𑐐𑐸 𑐖𑑂𑐫𑐵 𑐫𑐵𑐣𑐵𑑅 𑐥𑑂𑐬𑐳𑐵𑐳𑐣𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐟 𑑋

𑐖𑐣𑐟𑐵𑑄 𑐣𑑂𑐴𑐸𑐐𑐸 𑐴𑑂𑐫𑐹𑐥𑐵𑑅 𑐴𑐫𑐾𑐟 𑐠𑑅𑐐𑐸 𑐳𑑄𑐑𑐬𑑂𑐳𑐫𑐵𑐟 𑐡𑐸𑐣𑐾𑑄𑐡𑐸𑐣𑐾𑑄 𑐩𑐡𑐶𑐎 𑐣𑑂𑐴𑑂𑐫𑐵𑐎𑐵𑑄𑐔𑑂𑐰𑐣 𑑋 𑐣𑐾.𑐳𑑄. 𑑑𑑑𑑑𑑐 𑐡𑑃𑐫𑑂 (𑑒𑑐𑑔𑑖÷𑑔𑑗 𑐳𑐵𑐮𑑄) 𑐩𑐾𑐐𑐸 𑐕𑐐𑐹 𑐟𑑅𑐖𑐶𑐐𑐸 𑐁𑐣𑑂𑐡𑑀𑐮𑐣 𑐧𑑂𑐰𑐮𑐣 𑑋 𑐠𑐸𑐎𑐶𑐫𑐵 𑐣𑐾𑐟𑐺𑐟𑑂𑐰 𑐎𑐵𑐫𑐾𑐟 𑐣𑑄 ‘𑐏𑐳 𑐩𑐢𑑂𑐫𑐩 𑐰𑐬𑑂𑐐𑐫𑐵 𑐳𑐎𑑂𑐟𑐶’ 𑐴𑐾 𑐟𑐵𑑅𑐮𑐵𑐟 𑑋 𑐂𑐩𑐶𑐳𑑄 ‘𑐳𑐵𑐩𑑄𑐟𑐶 𑐬𑐵𑐖𑐟𑐣𑑂𑐟𑑂𑐬’ 𑐣𑐵𑐥 𑐳𑑄𑐗𑑁𑐟𑐵 𑐫𑐵𑐣𑐵𑑅 𑐁𑐣𑑂𑐡𑑀𑐮𑐣 𑐎𑑂𑐰𑑅𑐠𑐮 𑑋

𑐠𑑂𑐰 ‘𑐣𑐶𑐬𑑄𑐎𑐸𑐳 𑐥𑑄𑐔𑐵𑐫𑐟𑐶 𑐬𑐵𑐖𑐟𑐣𑑂𑐟𑑂𑐬’𑐫𑐵 𑐧𑐶𑐬𑐸𑐡𑑂𑐢 𑐖𑐣𑐟𑐵𑑄 𑐩𑐡𑐶𑐎 𑐠𑐷𑐠𑐷 𑐎𑐠𑑄𑐫𑐵 𑐳𑑄𑐑𑐬𑑂𑐲 𑐫𑐵𑐣𑐵𑑅 𑐠𑑅𑐐𑐸 𑐳𑐎𑑂𑐟𑐶 𑐧𑑂𑐰𑐮𑑄𑐎𑐾𑐐𑐸 𑐖𑑂𑐫𑐵 𑐫𑐵𑐣𑐵𑐔𑑂𑐰𑐣 𑑋 𑐣𑐾.𑐳𑑄. 𑑑𑑑𑑐𑑐 (𑑒𑑐𑑓𑑖÷𑑓𑑗 𑐳𑐵𑐮𑑄) ‘𑐣𑐶𑐬𑑄𑐎𑐸𑐳 𑐬𑐵𑐖𑐟𑐣𑑂𑐟𑑂𑐬’ 𑐧𑐵𑐢𑑂𑐫 𑐖𑐸𑐫𑐵𑑅 ‘𑐥𑑄𑐔𑐵𑐫𑐟𑐶 𑐧𑑂𑐫𑐰𑐳𑑂𑐠𑐵’ 𑐫𑐵𑐟 𑐨𑐶𑑄𑐎𑐾𑐐𑐸 𑐮𑐵𑐎𑐶 𑐧𑐴𑐸𑐡𑐮𑐫𑐵 𑐧𑑂𑐫𑐰𑐳𑑂𑐠𑐵 𑐴𑐫𑐾𑐐𑐸’ 𑐢𑐫𑐵𑐐𑐸 𑐏𑑃𑐫𑑂 ‘𑐖𑐣𑐩𑐟’ 𑐎𑐵𑐫𑐾𑐟 𑐧𑐵𑐢𑑂𑐫 𑐖𑐸𑐮 𑑋 𑐠𑐸𑐐𑐸 𑐁𑐣𑑂𑐡𑑀𑐮𑐣𑑄 𑐟𑑅𑐖𑐶𑐐𑐸 𑐴𑑂𑐫𑐹𑐥𑐵𑑅 𑐴𑐫𑐾 𑐩𑐦𑐸𑐳𑐵𑑄 ‘𑐣𑐶𑐬𑑄𑐎𑐸𑐳 𑐥𑑄𑐔𑐵𑐫𑐟𑐶 𑐧𑑂𑐫𑐧𑐳𑑂𑐠𑐵’ 𑐫𑐵𑐟 ‘𑐨𑐶𑑄𑐎𑐾𑐩𑐵𑑅𑐐𑐸’ 𑐏𑑃 𑐴𑐫𑐾𑐩𑐵𑐮 𑑋 𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 

𑐖𑐣𑐟𑐵𑑄 𑐣𑑂𑐴𑐸𑐐𑐸 𑐴𑑂𑐫𑐹𑐥𑐵𑑅 𑐴𑐫𑐾𑐟 𑐠𑑅𑐐𑐸 𑐳𑑄𑐑𑐬𑑂𑐳𑐫𑐵𑐟 𑐡𑐸𑐣𑐾𑑄𑐡𑐸𑐣𑐾𑑄 𑐩𑐡𑐶𑐎 𑐣𑑂𑐴𑑂𑐫𑐵𑐎𑐵𑑄𑐔𑑂𑐰𑐣 𑑋 𑐣𑐾.𑐳𑑄. 𑑑𑑑𑑑𑑐 𑐡𑑃𑐫𑑂 (𑑒𑑐𑑔𑑖÷𑑔𑑗 𑐳𑐵𑐮𑑄) 𑐩𑐾𑐐𑐸 𑐕𑐐𑐹 𑐟𑑅𑐖𑐶𑐐𑐸 𑐁𑐣𑑂𑐡𑑀𑐮𑐣 𑐧𑑂𑐰𑐮𑐣 𑑋 𑐠𑐸𑐎𑐶𑐫𑐵 𑐣𑐾𑐟𑐺𑐟𑑂𑐰 𑐎𑐵𑐫𑐾𑐟 𑐣𑑄 ‘𑐏𑐳 𑐩𑐢𑑂𑐫𑐩 𑐰𑐬𑑂𑐐𑐫𑐵 𑐳𑐎𑑂𑐟𑐶’ 𑐴𑐾 𑐟𑐵𑑅𑐮𑐵𑐟 𑑋 𑐂𑐩𑐶𑐳𑑄 ‘𑐳𑐵𑐩𑑄𑐟𑐶 𑐬𑐵𑐖𑐟𑐣𑑂𑐟𑑂𑐬’ 𑐣𑐵𑐥 𑐳𑑄𑐗𑑁𑐟𑐵 𑐫𑐵𑐣𑐵𑑅 𑐁𑐣𑑂𑐡𑑀𑐮𑐣 𑐎𑑂𑐰𑑅𑐠𑐮 𑑋

𑐠𑑂𑐰𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐀𑐣𑐸𑐡𑐵𑐬𑐰𑐵𑐡𑐶 𑐳𑐎𑑂𑐟𑐶 𑐰 𑐥𑑄𑐔𑐵𑐫𑐟𑐶 𑐧𑑂𑐫𑐰𑐳𑑂𑐠𑐵’ 𑐎𑑂𑐰𑑅𑐡𑐮 𑐠𑑂𑐰𑐫𑐵 𑐠𑐵𑐳𑐫𑑂 ‘𑐏𑐳 𑐳𑐵𑐩𑑄𑐟𑐶 𑐬𑐵𑐖𑐟𑐣𑑂𑐟𑑂𑐬 𑐰 𑐏𑐳 𑐄𑐡𑐵𑐬𑐰𑐵𑐡𑐶 𑐣𑑀𑐎𑐬𑐳𑐵𑐴𑐟𑐣𑑂𑐟𑑂𑐬’ 𑐴𑐾 𑐰𑐮 𑑋 𑐠𑑂𑐰 𑐳𑐟𑑂𑐟𑐵𑐫𑑂 𑐳𑐟𑑂𑐟𑐵 𑐳𑐩𑐶𑐎𑐬𑐣𑐫𑐵 𑐮𑐶𑐢𑑄𑐳𑐵𑐫𑑂 𑐎𑐵𑑄𑐐𑑂𑐬𑐾𑐳 𑐰 𑐎𑐩𑑂𑐫𑐸𑐣𑐶𑐳𑑂𑐟𑑄 𑐢𑐵𑑅𑐥𑐶𑑄 𑐳𑐎𑐳𑐶𑐐𑐸 𑐧𑑂𑐰𑐟𑐶 𑐡𑐸𑐐𑐸 𑐏𑑅 𑑋 𑐀𑐫𑑂𑐣𑑄 𑐠𑑂𑐰 𑐳𑐟𑑂𑐟𑐵𑑄 𑐖𑐣𑐟𑐵𑐫𑐵 𑐁𑐬𑑂𑐠𑐶𑐎, 𑐳𑐵𑐩𑐵𑐖𑐶𑐎 𑐰 𑐩𑐾𑐐𑐸 𑐳𑐩𑐳𑑂𑐫𑐵 𑐖𑑂𑐫𑑄𑐎𑐾 𑐩𑐦𑐂𑐐𑐸 𑐖𑐎 𑐩𑐏𑐸 𑐡𑐾𑐫𑑂 𑐰 𑐖𑐣𑐳𑐩𑐸𑐡𑐵𑐫 𑐧𑑂𑐰𑐮𑑄𑐎𑐾𑐐𑐸 𑐩𑐹 𑐮𑐶𑐢𑑄𑐳𑐵 𑐟𑐎𑑄 𑐩𑑂𑐴𑐳𑐶𑐂𑐎𑐾 𑐩𑐦𑐸𑐟 𑑋

𑐀𑐖𑐸 𑐔𑐵𑐮

𑐀𑐖𑐸 𑐔𑐵𑐮

𑐩𑑀𑐟𑐶𑐱𑐵𑐣𑑂𑐟𑐶 𑐱𑐵𑐎𑑂𑐫

𑐡𑐶𑐣𑐸𑐫𑐵 𑐩𑐵𑑄 , 𑐠: 𑐀𑐧𑐸 𑐣𑐵𑐥𑐮𑐵𑐫𑐟 𑐳𑐣𑐶𑐮𑐫𑑂 𑐠: 𑐕𑐾𑑄𑐫𑑂 𑐰𑐣𑐾𑐟𑑂𑐫𑑄𑐧𑐮𑐫𑑂 , 𑐐𑐧𑑂𑐮𑐾𑑄 𑐖𑐶𑐡𑑂𑐡𑐷 𑐩𑐫𑐵𑐂𑐩𑑂𑐴 𑐩𑐵𑑄𑐫𑐵𑐐𑐸 𑐏𑑄 𑐧𑐵𑑄𑐮𑐵𑐎𑑂𑐎 𑐠𑐸𑐩𑑂𑐴 𑐡𑐶𑐣𑐸 𑐖𑐶𑐡𑑂𑐡𑐷 𑐫𑐵𑐣𑐵 𑐩𑐵𑑄𑐩𑑂𑐴𑐾𑐳𑐶𑐫𑐵 𑐮𑑂𑐫𑐹 𑐮𑑂𑐫𑐹 𑐰𑑄 𑐴𑐾 𑐰𑐣 𑑋 𑐀𑐧𑑂𑐮𑐾 𑐮𑐵𑐎𑑂𑐎 𑐳𑐟𑐎𑐫𑑂 𑐎𑐵𑐬𑐵𑐎𑑂𑐎 𑐳: 𑐰𑐮 𑑋 𑐣𑐶𑐩𑑂𑐴𑐾𑐳𑐶𑐫𑐵𑑄 𑐮𑐶𑐦: 𑐳𑑂𑐰𑐮 𑑋 𑐕𑐩𑑂𑐴 𑐩𑐶𑐳𑐵 𑐮𑐵 𑐥𑑂𑐫𑐟: 𑐖𑐵𑐐𑐸 𑐕𑐾𑑄𑐫𑐫𑐵 𑐎𑐳𑐶𑑄𑐂 𑐎𑐸𑐟𑐸𑑄 𑐰𑐫𑐵 𑐮𑐵𑐕𑐷𑐂 𑐧𑐖𑑂𑐬𑐫𑑂 𑐖𑐸𑐐𑐸 𑐏𑐣𑐷 𑑋 𑐠𑑂𑐰: 𑐡𑐺𑐲𑑂𑐫 𑐣𑐶𑐩𑑂𑐴𑐾𑐳𑐶𑐣𑐣𑑄 𑐧𑐵𑑄𑐮𑐵𑐎𑑂𑐎 𑐏𑐣 𑑋 𑐐𑐧𑐵𑐫𑐟 𑐟𑐎 𑐄𑐩𑐶𑐳𑑄 𑐕𑐸𑑄 𑐣𑑂𑐰𑑄 𑐰𑐵𑐫𑑂 𑐩𑐦𑐹 𑑋 𑐕𑑂𑐫𑐣𑑄 𑐴𑐷 𑐧𑐵𑐴𑐵 𑐰𑑄𑐐𑐸 𑐏𑑄𑐎𑐵 𑐡𑐶𑐣𑐸𑐫𑐵 𑐩𑐵𑑄 𑐴𑐵𑐮 –

“ 𑐴𑐾 𑐨𑐐𑐰𑐵𑐣 𑐠𑑂𑐰: 𑐕𑐸 𑐖𑐸𑐐𑐸 ! 𑐩𑐣𑑂𑐟 𑐠𑐾𑑄 𑐔𑑂𑐰𑑄 “

𑐩𑐵𑑄𑐫𑐵 𑐥𑐬𑑂𑐳𑐶 𑐔𑑂𑐰: 𑐖𑑂𑐰𑐣𑐵 𑐠𑐬𑐠𑐬 𑐏𑐵𑐎𑐵 𑐔𑑂𑐰𑑄𑐩𑑂𑐴 𑐡𑐶𑐣𑐸𑐫𑐵𑐟 𑐩𑐵𑑄𑐩𑑂𑐴 𑐣𑑂𑐰𑐵𑐟 – “ 𑐰𑐫𑐾𑐩𑐟𑐾 𑐢𑐵𑐫𑐎 𑐰𑐮 , 𑐏𑐣 𑐩𑐏𑐸𑐮𑐵 “

𑐩𑐵𑑄𑐩𑑂𑐴 𑐠𑐸𑐮𑐶 𑐖𑐎 𑐕𑐸 𑐢𑐵𑐮 , 𑐡𑐶𑐣𑐸𑐫𑐵 𑐣𑐸𑐐𑐮𑐫𑑂 𑐟𑑂𑐬𑐵𑐳 𑐣𑐵𑐥 𑐣𑐵𑐥𑑄 𑐥𑐱𑑂𑐔𑐵𑐟𑐵𑐥 𑐣𑑄 𑐥𑐶𑐖𑑂𑐰𑐮 𑑋 𑐀𑐮𑐾 𑐴𑑂𑐰𑐵𑑃𑐫𑑂 𑐴𑑂𑐰𑐵𑑃𑐫𑑂 𑐏𑑂𑐰𑐫𑐵 𑐩𑐾𑐐𑐸 𑐮𑑄𑐥𑐸 𑐖𑐸𑐫𑐵 𑐕𑐾𑑄𑐫𑑂 𑐮𑐶𑐴𑐵𑑄 𑐰𑐮 𑑋

𑐕𑐾𑑄𑐫𑑂 𑐠𑑂𑐫𑑄𑐎𑐵 , 𑐳𑐎𑐮 𑐕𑐾𑑄𑐫𑑂 𑐖: 𑐥𑐶𑐣𑐶𑐐𑐸 𑐣𑑂𑐴𑑂𑐫𑑀𑐣𑐾 𑐖𑐶𑑄 𑐫𑐵𑐣𑐵 𑐕𑐩𑑂𑐴 𑐩𑐶𑐳𑐵 𑐎𑐳𑐶𑑄 𑐎𑐸𑐟𑐸𑑄𑐰𑐮 𑐢𑐎𑐵 𑐡𑐶𑐣𑐸 𑐴𑐶𑐴𑐶𑐮𑐮𑑄 𑐏𑑂𑐰𑐮 𑑋 𑐠𑑂𑐰: 𑐩𑐔𑐵𑑄 𑐕𑐸 𑐢𑐵𑐐𑐸 𑐢𑐎𑐵 𑐠𑐸𑐂𑐎𑐾 𑐩𑐦𑐸𑐟 𑑋 𑐀𑐧𑑂𑐮𑐾 𑐮𑐵𑐎𑑂𑐎 𑐩𑐵𑑄𑐩𑑂𑐴𑑄 , 𑐠: 𑐕𑐾𑑄𑐫𑑂 𑐴𑐾 𑐩𑐰𑑄𑐳𑐾 𑐮𑐶𑐴𑐵𑑄 𑐰𑐫𑐵 𑐕𑐾𑑄 𑐖: 𑐥𑐶𑐣𑑂𑐟 𑐖𑐸𑐐𑐸 𑐑𑐚𑐣𑐵𑐫𑐵 𑐧𑐵𑐬𑐾 𑐧𑐺𑐟𑐵𑐣𑑂𑐟 𑐎𑐣𑐾 𑐎𑑂𑐰𑐔𑐵𑐫𑑂 𑐩𑐮𑐵𑐫𑐰𑑄 𑐡𑐶𑐣𑐸 𑐩𑐵𑑄𑐩𑑂𑐴𑐾𑐳𑐶𑐟  𑐑𑐫𑐥𑐸𑐣𑐵 “ 𑐖𑐶𑑄 𑐩𑐵𑑄𑐫𑐵𑐐𑐸 𑐏𑑄 𑐩𑐣𑑂𑐫𑐣𑐵𑐐𑐸𑐮𑐷𑑄 𑐰 𑐩𑐶𑐳𑐵 𑐎𑐳𑐷𑑄𑐂 𑐎𑐸𑐟𑐸𑑄 𑐰𑐐𑐸 𑐏: 𑐖𑐶 𑐩𑐰𑐳𑐵 𑐎𑐸𑐟𑐸𑑄 𑐰𑐿𑐩𑐏𑐸𑐐𑐸 “ 𑐢𑐎𑐵 𑐗𑐣 𑐏𑑂𑐰𑐮 𑑋 𑐩𑐔𑐵𑐫𑐵 𑐢𑐵𑐥𑐹 𑐣𑑂𑐫𑐾𑐣𑐵 𑐳𑐎𑐮𑐾𑑄 𑐀𑐖𑐸 𑐔𑐵𑐮 𑑋 𑐀𑐮𑐾 𑐳𑐎𑐮 𑐥𑐬𑐶𑐰𑐵𑐬𑑄 𑐡𑐶𑐣𑐸𑐫𑐵𑐟 𑐴𑐾𑐫𑐎𑐮 𑑋 𑐳𑐸𑐫𑐵𑐐𑐸 𑐣𑑄 𑐰 𑐑𑐚𑐣𑐵𑐫𑑂 𑐡𑑀𑐲 𑐩𑐡𑐸 𑐢𑐎𑐵 𑐳𑐩𑑂𑐗𑐾𑐫𑐵𑐟 𑑋 𑐰 𑐮𑐵 𑐕𑐟𑐵: 𑐡𑐸𑐬𑑂𑐑𑐚𑐣𑐵 𑐖𑐎 𑐏: 𑐢𑐎𑐵 𑐡𑐶𑐣𑐸𑐫𑐵 𑐎𑑂𑐫𑐵𑐟𑐸𑐐𑐸 𑐧𑐵𑐮 𑐩𑐣𑑀𑐨𑐵𑐰𑐫𑐵𑐟 𑐳𑐵𑐣𑑂𑐟𑑂𑐰𑐣𑐵 𑐧𑐶𑐂𑐐𑐸 𑐎𑐸𑐟: 𑐫𑐵𑐟 𑑋 𑐄𑐎𑐸𑐣𑑂𑐴𑐸 𑐡𑐶𑐣𑐸 𑐴𑐶𑐎𑐸𑐴𑐶𑐎𑐸 𑐮𑑄𑐎 𑐏𑑂𑐰𑐏𑑂𑐰𑑄 𑐕𑐸𑑄 𑐴𑐾 𑐩𑐣𑐳𑐾 𑐡𑑂𑐫𑐣 𑑋 𑐎𑐣𑑂𑐴𑐾 𑐎𑐸𑐣𑑂𑐴𑐸 𑐳𑐸𑐠𑐫𑑂 𑐣𑑂𑐴𑑂𑐫𑐮𑑄 𑐔𑐵𑐫𑐰𑑄 𑐡𑐶𑐣𑐸𑐫𑐵 𑐩𑐶𑐏𑐵𑐫𑑂 𑐰 𑐴𑐾 𑐡𑐺𑐲𑑂𑐫 𑐥𑑂𑐫𑐥𑐸𑑄𑐰𑐮 𑑋 𑐩𑐶𑐳𑐵 𑐧𑐖𑑂𑐬𑐾 𑐖𑐸𑐐𑐸 𑐳: 𑐖𑐎 𑐣𑑂𑐴𑐵𑐫𑐥𑐣𑐫𑑂 𑐡𑐶𑐣𑐵 𑐔𑑂𑐰𑐣 𑑋 𑐀𑐮𑐾 𑐰𑐵𑐠𑐵𑐎𑑂𑐎 𑐡𑐣𑐵 𑐩𑐶𑐳𑐵 𑐎𑐸𑐟𑐸𑑄 𑐰𑑄𑐐𑐸 𑐠𑐵𑐳𑐫𑑂 𑐰𑐣 𑑋 𑐩𑐶𑐳𑐵 𑐮𑐵 𑐩𑑂𑐰𑐵𑐟 𑐟𑐬 𑐴𑑀𑐳𑐫𑑂 𑐩𑐰𑐣𑐷 𑑋 𑐰 𑐩𑐶𑐳𑐵 𑐀𑐳𑑂𑐥𑐟𑐵𑐮𑐫 𑐟𑐶𑐣𑐷 𑐢𑐎𑐵 𑐰𑑄 𑐳𑐶𑐂𑐎𑐮 𑑋 𑐄𑐎𑐸𑐣𑑂𑐴𑐸 𑐣𑑄 𑐡𑐶𑐣𑐸 𑐣𑑂𑐴𑐶𑐔𑑂𑐕𑐷𑑄 𑐨𑐸𑐐𑑂𑐮𑐸𑑄 𑑋 𑐳𑐸𑐣𑐵𑐥𑑄 𑐣𑑄 𑐣𑑂𑐰 𑐩𑐰𑐵: 𑑋 𑐧𑐵𑑄𑐮𑐵𑐎 𑐣𑐳𑐵 𑐣𑑄 𑐩𑐣 𑑋 𑐏𑑂𑐰𑐵: 𑐏𑑂𑐫𑐹𑑄 𑑋 𑐀𑐠𑐾 𑐖𑐸𑐐𑐸𑐮𑐶𑑄 𑐩𑐵𑑄𑐩𑑂𑐴𑐾𑐳𑐶𑐫𑐵 𑐩𑐔𑐵 𑐳𑐵𑐟𑐸 𑐖𑐎𑑄 𑐰𑐣𑐮𑐵 𑐢𑐎𑐵 𑐎𑐶𑐳𑐮𑐷 𑐕𑐴: 𑐨𑐵𑐐𑐷 𑐫𑐵𑐎𑐵 𑐥𑐮𑐶𑐂 𑐟𑐫𑐵 𑐧𑐶𑐮 𑑋 𑐩𑐵𑑄𑐩𑑂𑐴 , 𑐡𑐶𑐣𑐸𑐫𑐵𑐟 𑐎𑐳𑐶𑐎𑑂𑐎 𑐑𑐫𑐥𑐸𑐣𑐵 𑐩𑐣𑑀𑐰𑐮 𑐧𑐮𑑂𑐮𑐵𑐎𑐾𑐐𑐸 𑐎𑐸𑐟: 𑐫𑐵𑐟 𑑋 𑐡𑐶𑐣𑐸𑐫𑐵 𑐡𑐵𑐖𑐸𑑄 𑐣𑑄 𑐠: 𑐎𑐾𑐴𑐾𑑄𑐫𑐵𑐟 𑐴𑐵𑐫𑐾𑐎𑐵 𑐣𑑂𑐴𑐶𑐎𑐾𑐟 𑐫𑐎𑑂𑐰 𑐎𑐸𑐟: 𑐫𑐵𑐟 𑐟𑐬 𑐣𑑂𑐴𑐶𑐂𑐎𑐾 𑐩𑐦𑐹 𑑋

𑐡𑐶𑑄 𑐧𑐶𑐣𑐵𑐰𑑄 𑐰𑐣 𑑋 𑐎𑐳𑐶𑑄 𑐎𑐸𑐟𑐸𑑄𑐰𑐩𑑂𑐴 𑐩𑐶𑐳𑐵𑐫𑐵 𑐴𑐵𑐮𑐔𑐵𑐮 𑐳𑐶𑐂𑐎𑐾𑐟 𑐡𑐶𑐣𑐸 𑐣𑑂𑐴𑐶𑐫𑐵 𑐣𑑂𑐴𑐶𑐠𑑄 𑐰 𑐴𑐾 𑐎𑐸𑐟𑐸𑑄 𑐰𑐐𑐸 𑐠𑐵𑐳𑐫𑑂 𑐡𑐸𑐐𑐸 𑐎𑐶𑐬𑐵𑐣𑐵 𑐥𑐳𑐮𑐫𑑂 𑐥𑐳: 𑐰𑐣𑐾𑐐𑐸 𑐫𑐵𑐟 , 𑐕𑐩𑑂𑐴 𑐣𑐶𑐫𑐩𑐶𑐟 𑐐𑐵𑐴𑐵𑐎𑐷 𑐠𑐾𑑄 𑑋 𑐫𑐎𑑂𑐰 𑐮𑐶𑐥𑐵: , 𑐰 𑐩𑐶𑐳𑐵 𑐴𑑀𑐳𑐫𑑂 𑐰𑐮 𑐢𑐵𑐐𑐸 𑐣𑑂𑐫𑐾𑐣𑐵𑑄 𑐡𑐶𑐣𑐸 𑐮𑐫𑐟𑐵𑐮 𑑋 𑐀𑐣𑑄𑐮𑐶 𑐰 𑐩𑐶𑐳𑐵 𑐜𑐶𑐳𑑂𑐔𑐵𑐬𑑂𑐖 𑐖𑐸𑐐𑐸 𑐳𑐶𑐂𑐰𑑄 𑐐𑐸𑐮𑐶 𑐣𑑂𑐴𑑂𑐫𑑀 𑐣𑐶𑐳𑐾𑑄 𑐔𑐶𑐟𑐵𑐳𑐸 𑐩𑐡𑐫𑐎𑐵 𑐔𑑂𑐰𑑄𑐩𑑂𑐴 𑐡𑐶𑐣𑐸𑑄 𑐩𑑂𑐴 𑐴𑐾 𑐫𑐵𑐄𑑄𑐳𑑂𑐳𑐾 𑐔𑑂𑐰𑑄𑐐𑐸 𑐀𑐣𑐸𑐨𑐸𑐟𑐷 𑐫𑐵𑐟 𑑋

𑐣𑑂𑐫𑐵𑐡𑑃 𑐮𑐶𑐥𑐵 , 𑐕𑐣𑑂𑐴𑐸 !

𑐡𑐶𑐣𑐸𑐫𑐵 𑐀𑐧𑐸𑑄 𑐕𑐟𑐵: 𑐧𑐵𑑄𑐩𑐮𑐵𑐐𑐸 𑐳𑐸𑐔𑑄 𑐖𑑂𑐰𑐣𑐵 𑐰𑐮 𑑋

“ 𑐄𑐧𑑂𑐮𑐾 𑐎𑐳𑐶𑑄 𑐎𑐸𑐟𑐸𑑄 𑐰𑐩𑑂𑐴 𑐩𑐶𑐳𑐵 𑐩𑑂𑐴𑐶𑐐: 𑐣𑐶𑐩𑑀𑐣𑐶𑐫𑐵 𑐖𑐸𑐫𑐵 𑐩𑐣𑑂𑐟 𑐴𑑄 “

𑐡𑐶𑐣𑐸 𑐰𑐵𑐟𑐵𑐴𑑄 𑐖𑐸𑐮 𑑋 𑐀𑐮𑐾 𑐣𑑂𑐴𑐵𑐥𑐵𑐠𑐾𑑄 𑐡𑐶𑐣𑐸𑐫𑐵 𑐣𑐸𑐐: 𑐨𑐵𑐬𑐵𑐨𑐵𑐬𑐵 𑐩𑐩𑐷𑑄 𑑋 𑐩𑑂𑐴 𑐩𑐏𑐵: 𑑋 𑐩𑐶𑐏𑐵𑑄 𑐏𑑂𑐰𑐧𑐷 𑐣𑑄 𑐩𑐴𑐵: 𑑋

𑐟𑐬 𑐡𑐶𑐣𑐸 𑐀𑐖𑐸 𑐢𑐵𑐳𑐵 𑐀𑐧𑐳𑑂𑐫 𑐔𑐵𑐮 𑑋

प्रमपाखें एनपिएलया ट्रफी उलेज्या

 येँ / प्रधानमन्त्री केपी शर्मा ओलीं नेपाः प्रिमियर लिग (एनपिएलं) नेपाःया पर्यटन  व युवा प्रतिभायात अन्तर्राष्ट्रिय दबूलिइ न्ह्यब्वयेतः तःधंगु ग्वाहालि जुइ  धकाः नुगः खँ प्वंकादिल । 

थौं थुगु ऐतिहासिक धरग्वाराय् एनपिएलया ट्रफी उलेज्या यासें वय्कलं लिगया निंतिं सरकारं  फतले ग्वाहालि व हःपाः बिइगु भलसा बियादिल ।     

प्रधानमन्त्री ओलीं कासा ख्यःया विकासया निंतिं सरकार न्ह्याबलें कासामित नापं दइ धयादिल । वय्कलं एनपिएलं नेपाःया क्रिकेटय् न्हूगु आयाम हइगु आशा नं व्यक्त यानादिल ।

 “क्रिकेट झीगु पुस्ताया म्हगस व गौरवया विषय नं खः । थ्व लिगपाखें नेपाःया क्रिकेटय् न्हूगु आयाम दयेके फयेमाः”, प्रधानमन्त्री ओलीं धयादिल, “सरकार छिकपिनिगु हे नापं दु । जि सरकारय् च्वनाबलय् वा मच्वनाबलय् न्ह्याबलें नं जिगु चिउता व ध्यान थुखेपाखे दयाच्वनी ।

 ब्वति काःपिं कासामित सकसितं त्याकेफयेमाः धैगु भिंतुना बिइ ।”      

वय्कलं थुगु कासापाखें युवा प्रतिभायात पितब्वयेगु व नेपाःमितय्सं अवसर चूलाःसा छुं यानाः क्यनी धैगु मान्यतायात नीस्वनेमाः धैगु सुवाःतकं बियादिल ।

नेवाः संस्कृतिया तिथि मिति विवाद ज्यंकेत अभियान शुरु

येँ । नेवाः समाजय् तिथि मिति विवादया कारणं संस्कृति हनेगुलिइ तसकं लिच्वः लानाच्वंगु दु । 

विशेष याना स्वन्ति नखः हनेगु सवालय् लक्ष्मी पुजा, म्हपुजा, किजा पुजा गुकुन्हु हनेगु धइगु विवादया कारणं अप्वः याना नेवाःतसें नेवाः संस्कृतिया ल्याखं तिथि विवाद याये मजिल धकाः सः तया वयाच्वंगु खः । स्वन्ति नखः जक मखु मोहनी नखः, गुँपुन्हि हनेगु सवालय् नं विवाद जुया वयाच्वंगु दु । आः प्यदँ लिपा ला झन छयमास वइ । अबले लक्ष्मी पुजा याये धुंकाः लच्छि लिपा जक म्हपुजा यायेमाःगु अवस्था ब्वलनी । थज्वःगु इलय् झन हे समस्या वइगु अवस्था दु धकाः ज्योतिष ज्ञान दुपिं व पात्रो सम्वन्धि चासो तइपिन्सं धायेगु याना वयाच्वंगु दु । सलक नेवाःतय्गु हे भावना कथं आः नेवाभः संस्कृति हनेगु सवलय् तिथि मिति विवादयात ज्यंकेगु नितिं आवंनिसें हे पहल शुरु यायेमाः धकाः नेवाः देय् दबू स्वनिगः विशेष प्रदेश समितिं तयेकूगु दु । उकिं तिथि विवादयात ज्यंकेत सहलह ब्याका वनेमाःगु खँय् ध्यान तया नेवाः देय् दबू स्वनिगः विशेष प्रदेश समितिपाखें विशेष पहल याःगु दु । 

थ्व हे झ्वलय् नेपाल ज्योतिष परिषद उपत्यका समितिया न्हूगु नेतृत्वयात खेँ सगं देछाया नेवाः संस्कृति हनेगु तिथि विवाद ज्यंकेगु अभियान शुरू जूगु दु । ने। सं। ११४५ कछलागा सप्तमी मंसिर ७ गते शुक्रवा थिमि लायकू लागाय् नेवाः देय् दबू स्वनिगः विशेष प्रदेशया संयनेजनय् नेवाः देय् दबू मध्यपुर थिमि नगर समितिया ग्वसालय् ज्योतिषया नेतृत्वपिन्त खेँ सगं लःल्हायेगु ज्या नाप नापं तिथि बिवाद ज्यंकेगु अभियान न्ह्यकूगु खः ।

उगु ज्याझ्वलय् नेवाः देय् दबू स्वनिगः विशेष प्रदेशया नायो श्रीकृष्यण महर्जन नेवाः नं तिथि मिति विवादयात ज्यंकेगु नितिं थनिनिसें हे पहलकदमि शुरु जूगु दु धयादिसें आः याकनं हे नेवाः ज्योतिषतय्गु सम्मेलन यायेमाःगु, येँया जनबहाः, यलया क्वाःबहाः व ख्वपया तजेजुया पुजारी नाप नापं स्वनिगःया थीथी लागाय् कर्मकाण्डया नितिं भूमिका म्हिता वयाच्वंपिं ज्योतिष, जोशी, बज्राचार्य, राजोपाध्याय, कर्माचार नापं सरोकारवालापिन्त छगू हे थासय् मुंकाः सहलह ब्याका वनेमाःगु खँय् बः बियादल । 

नेवाः देय् दबू येँ, यल व ख्वप जिल्ला समितिया प्रतिनिखधि नापं थीथी ब्यक्तित्वपिं उपस्थिाति जुयादीगु उगु ज्याझ्वलय् नेपाल ज्योतिष परिषद उपत्यका समितिया नायो ज्योतिष यज्ञरत्न बज्राचार्यं नेवाःतय्गु तिथिया विवादयात कया ज्यंकाः वनेगु नितिं सहलें छप्पँ जुया वनेमाःगु नापं थःगु नेतृत्वय् दुगु ज्योतिष परिषदं नं माःगु कथं भूमिका म्हितेगु जुइ धकाः बचं बियादीगु खः ।

सिद्धान्त तिथि हिलीमखु बरु गते हिलेफु : पञ्चाङ

येँ । नेपाल पञ्चाङ निर्णायक विकास समितिया नायः डा. श्रीकृष्ण अधिकारीं वइगु बैशाख महिनानिसें सूर्य सिद्धान्तया थासय् केतकीय ग्रहगणीत सिद्धान्त लागू याःसां नं तिथिया सवालय् गोलमाल मजुइगु कथं हे पञ्चाङ निर्माण यायेगु जुइ धकाः धयादीगु दु । 

वय्कलं सिद्धान्त हिल धाःसा बरु गतेया सवालय् उखथुखे लाइ, तिथि व तारिकयात लिच्वः लाइमखु धकाः धयादिल । बुधवाः नेवाः सांस्कृतिक अभियान्तापिंलिसे पञ्चाङया ज्याकू नाराहिटीइ सहलह ब्याकेगु झ्वलय् समितिया नायः डा. अधिकारीं अथे धयादीगु खः ।  नेपाल पञ्चाङ निर्णायक समितिं वइगु बैशाखंनिसें लागू जुइगु कथं पञ्चाङया नितिं सूर्य सिद्धान्तया थासय् केतकीय सिद्धान्त नालेगु अवस्थाय् नेपाल संवतया न्हूदँ ११४५ निसें दच्छियंकंया पात्रा पिकाइगु अवस्थाय् गते, तिथि, संस्कृतिइ तकं लिच्वः लायेफु धकाः न्ह्यथसें इलय् हे पञ्चाङ समितिपाखें ठोस निर्णय यायेमाः धकाः डेलिगेशन वंगु खः । 

नेवाः देय् दबूया संरक्षक नरेश ताम्रकार, नेवाः देय् दबू स्वनिगः विशेष प्रदेश समितिया नायः श्रीकृष्ण महर्जन नेवाः, बरिष्ठ न्वकू नविन थेच्वमि, हलिं नेवाः गुथिया केन्द्रीय नायः विनोद महर्जन, नेवाः देय् दबू येँ जिल्ला समितिया नायः धनबहादुर महर्जन तिमिला, यल जिल्ला समितिया नायः रविन्द्र शाक्य, ख्वप जिल्ला समितिया नायः नरेश नेवाः, थीथी नेवाः खलः पुचलय् दुथ्यांपिं याना थ्यंमथ्यं निगू दर्जन ब्यक्तित्वपिं सहभागी जुयादीगु खः । 

ज्योतिषत नं सहभागी जूगु उगु ज्याझ्वलय् समयसापेक्ष हिउपाः कथं थःपिन्सं सूर्य सिद्धान्तयात त्वmताः केतकीय सिद्धान्त नालेगु नितिं सरकारयात प्रस्ताव छ्वया तयागु खः धकाः धयादिसें नेपाल पञ्चाङ निर्णायक विकास समितिया कार्यकारी निर्देशक सूर्य प्रसाद ढुंगेलं कन्हय् वना सरकारं निर्णय याइगु अवस्थाय् केतकीय सिद्धान्त लागू जुइ धकाः धयादिल । 

 उगु इलय् नेपाल संवतया न्हूदँया झ्वलय् आधिकारीक रुपं नेपाल पञ्चाङ निर्णायक विकास समितिपाखें नं पात्रो पिकायेमाःगु नापं सरकारपाखें नं पिकायेके बिइगु नितिं भूमिका म्हितेमाःगु बारे नं सहलह जूगु खः ।

लँ

 प्रशान्त महासागर

प्रशान्त महासागर

Prashant

अन लँपु दुगु खः बाय् मदुगु खः । न्यासि वनेमाल । न्यासि वनाच्वँ .... जि च्याःगु मत बाय् खरानी जुल । खाता थ्व खाताय् नं लिकाःगु मदु । जि गंक ब्वाँय् वनाच्वन ..... हाकनं, जिं धायेगु त्वःता कि जि शंका व शंकाया दथुइ दथुया भूमि खः । लगातार गति व बिचाःयात मभिं जुइके मबिसे सम्मानय् मुसुक्क न्हिलां छिगु समर्पण क्यने बियाच्वँ । जि नापं व चिकुगु गंगु लः थुनेत न्यासि वनाच्वँ ... अन लँपु दुगु खः बाय् मदुगु खः । न्यासि वनेमाल । न्यासि वनाच्वँ .... जि च्याःगु मत बाय् खरानी जुल । खाता थ्व खाताय् नं लिकाःगु मदु । जि गंक ब्वाँय् वनाच्वन .....